香港造型师许愿系微博曝光咗郑秀文同许志安既合照,郑秀文话：可以叫我许太。

呢段兜兜转转持续咗24年既感情，终于圆满。

曾经，郑秀文一首《唯独你是不可取替》红遍香港，歌词中果句“下半生准我留住你一直相爱”，原来早已估中呢个最终结局。

系哩首歌出现既3年前，郑秀文参加新秀比赛得奖后加盟华星唱片，与师兄许志安一见钟情。果一年系1989年，Andy许志安24岁，Sammi郑秀文19岁。

1991年，佢地以情侣既姿态合唱咗一曲《其实你心里有没有我》。七年之后，Sammi公开表示同许志安感情稳定，并甜蜜咁话，结婚应该系随时既事情。

1999年，郑秀文演唱会意外停电，被吓亲既佢，系台上本能大叫“安仔，救命！！”台下既许志安，即刻奔上台揽住佢安慰。

灯光再次亮起，大家睇到既，就系上边哩个场景~~果一瞬间，所有人都被佢地既爱情深深打动！

《康熙来了》曾经访问Sammi，回忆起呢件事…↓↓↓

2001年，“十大劲歌金曲颁奖典礼”上，佢地共同获得当年最佳男女歌手奖。从梅艳芳手中接过奖杯既许志安讲咗令无数人感动既“厨房宣言”，佢话：“有一个人我要多谢，几年前同佢系厨房入边，我同佢讲：‘有一日你摞最受欢迎女歌手，我摞男歌手奖就好啦！’她跟我讲要用心去做，只要相信自己就得噶啦。估唔到今日……多谢你！”当时台下所有人都起身为呢对恋人鼓掌，郑秀文早已泣不成声。

2004年，正当外界期待佢地个婚讯时，出乎所有人意料，许志安突然系台湾召开记者招待会，公开承认与郑秀文分手。佢淡淡讲咗句：“缘分尽了，一切都系自然变化。”

2008年东亚华星演唱会上，两人虽已分手数年，却依旧有着无可替代既情感同默契。郑秀文重唱果首《唯独你是不可取替》，许志安则偷偷系乐队中为佢唱和音，引得粉丝疯狂尖叫。

演唱会后，许志安话：“我谂起当年搏命工作果阵，系边个系我身边陪住我、支持我……”话音未落郑秀文就抢住讲：“系我啊！”果一瞬间，几多人为佢既可爱微笑，又有几多人心酸，难道哩个唔系一个女人对往日爱情最勇敢既怀念吗？

2009年初，佢地共同出席张卫健既婚礼，为旧情复燃做足咗铺垫。

2010年，许志安与余德琳分手，许志安既助手潘恒章感叹：”我好似佢个管家，余德琳只想一时新鲜，郑秀文先系佢一生最爱。”

2011年，许志安同郑秀文被影到一齐用餐，随即两人马上向外界公布重归于好既消息，郑秀文此时既神态，好像又返到果个19岁既自己。

2013年平安夜，佢地两人既经纪人郭启华证实许志安系Sammi生日派对上求婚成功。不过两人都未承认。

如今，Sammi一句“你可以叫我许太。”

呢段感情终于修成正果！

听返佢哋合唱《唯独你是不可取替》，好感动~↓↓↓

爱意纠缠四分之一个世纪，佢地终于跨越咗一切沉沦，紧紧握住彼此既手。咁样既结果，真好~