今日系单立文（豹哥）58岁生日，真系睇唔出佢就快“登六”，仍然一副有心有力嘅样。

点解咁讲？就系因为豹哥早前开生日P，一次过畀五条女“生擒”，讲紧嘅就系佢老婆胡蓓蔚、好友胡杏儿、黄智雯、李施嬅及姚子羚。

今日李施嬅将当日生日P盛况公开，见“胡说八道会”众成员以豹妹打扮，然后豹哥就瞓咗喺众女嘅美腿上……系咪好妒忌先？

李施嬅又在微博留言：“最有型最靓仔最可爱最活泼最为食最忙碌最搞笑最受欢迎的豹哥，生日快乐！有我哋咁多女陪你，使搵小三？有排你烦”而最近同李施嬅传绯闻嘅袁伟豪都有出席，不过大合照就坐到无雷公咁远。

另外，仲有陈展鹏、陈山聪、谢东闵及胡诺言等等，可见豹哥人缘系几咁好，而出席朋友身上都有啲豹纹嘅装饰，但惟独豹哥就黑西装打扮啰。