张智霖晒伤痕自爆遭家暴

艺人张智霖（Chilam）囝囝张慕童（魔童）寻日生日（12日），袁咏仪（靓靓）就甫咗一张一家三口大被同眠嘅温馨合照，网民都话成张相都充满爱，点知去到夜晚，Chilam竟然甫咗张被咬伤，大髀瘀咗一大挞嘅受伤照，仲留言话遭「家暴」，唔通之前嗰啲温馨嘢都系假象？

Chilam个伤口有一排密密嘅牙齿印，睇真啲，原来系佢屋企只狗狗造成，推断系玩嘅时候，狗狗一时唔小心咬伤Chilam，唔少网民见到男神受伤都大嗌心痛，仲提醒Chilam要记得打疯狗针，不过就有网民认为屋企养嘅宠物都打咗防疫针，只要尽快清理伤口就可以。

另外，有网民睇错重点，笑作为男神嘅Chilam有浓密嘅胡须Man到爆，但系大髀竟然冇乜毛，浓密须根同光管脚形成强烈对比好搞笑。

陈凯琳撇甩郑嘉颖　豪请全家日本旅行

前港姐冠军陈凯琳（Grace）近日趁不用开工，做孝顺女与父母及胞弟到日本大阪、京都旅行，她直言入行后都未试过家庭旅行，很开心可一享天伦乐，不过男友郑嘉颖因工作未有同行。

Grace表示今次没有跟团，到达当地仍未想好去哪处食饭，一于随心而行，她说：「好耐冇一家人旅行，今次系我哋自己Plan行程，好在细佬睇Google Map好叻，我哋喺心斋桥嗰边住，晚上都未决定食咩，见到多人排队食天妇罗就跟住排，都食得好滋味！第二日我同细佬去环球片场玩，父母就自己行街，夜晚再Join番。呢个Trip唔算好长，但好开心，好珍惜同家人一齐嘅时间，又回味番细个一齐嘅时光。（系咪你负责畀钱？）我负责酒店、机票，去到就爹哋请食嘢。」

佘诗曼激罕甫水着　蛇腰美腿大晒冷

艺人佘诗曼（阿佘）一向工作忙碌，不时要做空中飞人中港两边飞，令粉丝都大呼心痛呀！虽然阿佘工作忙碌，不过都会成日喺网上更新动向，好似近日佢就喺社交网罕有地晒出一张水着相！原来佢呢排忙里偷闲去咗旅行差吓电。

相中虽然睇唔到阿佘嘅正面，但就见到佢大晒诱人嘅背脊，实行做影「后」！阿佘大晒蛇腰同美腿，喷血指数绝对爆晒灯！

大批网民都留言大赞阿佘喺沙滩下留倩影简直系索爆！仲有网民搞笑话嘅美腿同靓股，绝对靓过其电影宣传海报嗰双腿呀，阿佘之前受访时都讲过自己嘅body唔会畀海报嗰个女仔差，今次阿佘甫相晒靓股绝对系大反击，证明自己都有料到呀！

阿佘接受记者电话访问时，问到会否晒正面泳照？阿佘就话：「正面嗰啲就梗系留番畀自己珍藏啦！」佢仲话：「work hard play hard ，做完嘢就要去玩吓，玩完好快又要去做嘢，因为几日后又要去拍戏，所以就去玩吓，relax吓。」原来阿佘今次系同好友周家怡一齐去玩，仲搞笑咁话轮流做摄影师！

冇避忌！蔡思贝话有同陈自瑶打招呼

艺人蔡思贝到宝琳出席活动，Tube Top打底的她，外披一件短身剪裁外衣， 玩游戏时，举高手即露出纤腰，她说：「唔惊走光， 做足安全措施！（大会搵同你传过绯闻嘅洪永城、温家伟同场？）我唔介意，可以一齐工作，一齐出席活动都几好！圣诞、除夕我会出席活动，仲会唱歌，依家练紧歌，另外亦都练紧跑步，因为想参加半马拉松比赛！」

近日忙于为台庆练舞的蔡思贝，对有指她避与正传绯闻的王浩信老婆陈自瑶（YoYo）同场，她说：「冇避忌，系因为嗰只舞有50个人一齐跳，有时夹唔到50个人一齐啫，我后尾练舞都有见到YoYo，都有打招呼！」

胡蓓蔚46岁生日　姚子羚嗌「老豹」玩咀嘴

今个月（6日）系胡杏儿38岁生日，坐紧月嘅佢就获「胡说八道会」成员胡定欣、李施嬅、胡蓓蔚、姚子羚及黄智雯上门为佢庆生，佢哋仲着晒睡衣素颜示人，玩得劲开心！而相隔咗6日，昨日（12日）就到「豹嫂」胡蓓蔚46岁生日喇！

寻晚佢哋又再聚首，不过就唔见要凑仔嘅杏儿，而同佢哋非常老友嘅杨秀惠、袁伟豪同埋胡蓓蔚老公单立文就有在场！姚子羚喺Instagram上载合照，仲搞笑叫寿星女做「老豹」添：「老豹Happy Birthday。」

不过正所谓「好事唔好畀佢停」，除咗双「胡」轮住生日，子羚都系11月之星（11月21日生日）呀！豹嫂好有心安排埋蛋糕预祝子羚生日，众人齐齐为佢哋唱生日歌，两人仲即兴咀嘴玩SheShe，不过又真系非常Sweet，网民都留言祝佢哋生日快乐呀！

钟嘉欣激赞旧爱伍允龙歌艺：似张学友！

艺人锺嘉欣（Linda）到尖沙咀出席活动，并献唱《陪着你走》及《花花宇宙》，又与Fans玩游戏，并一尝Fans制作的甜品。

Linda表示此行专诚返港，她说：「今次由温哥华返嚟，会留两日，冇时间同班姊妹聚会。（返嚟同TVB倾续约？）一路都有倾，我嘅约下个月完，但因为我唔喺香港生活，所以要有自由度同稳定性，都有其他公司搵过我，但合作会以TVB优先。（迟迟未续约，为咗迁就再生B？）系有谂过，我哋已经组织咗个家庭，都希望家庭愈来愈大，但BB系上天礼物，唔系话想有就有！」

提到好姊妹王君馨日前买性感内衣，想诱惑老公生B，Linda说：「哗，咁诱惑！（你会传授生B心得？）我哋姊妹之间系无所不谈，但呢啲太私人，唔方便喺呢度讲畀大家听！」

对于旧爱伍允龙在庙街拍剧，被街坊投诉，Linda说：「我以前喺厂拍剧，试过要我唱得好难听。（点评价佢嘅真实歌艺？）我有同佢唱过K，佢好犀利，好似张学友！我依家做咗妈妈，就少咗唱K，但唔好睇小我哋TVB艺人，我哋个个都好犀利！除咗拍剧，唱歌都好厉害！」

☞转载授权微信：lama129

☞ 商务QQ：443317765

《决战沙城》双11厚礼来袭！仅剩2天！

双11福袋惊喜连连，限量狂欢礼包先到先得！

戳阅读原文，快来和我一起并肩作战，杀敌砍怪！