全新一輯《美女廚房》近日播出，網民一致負評，只因上兩輯實在太過經典。

第一代《美》其中一集，有當年還在熱戀中的情侶方力申和鄧麗欣（Stephy）同場，兩人當時青澀甜蜜的互動，真係隔住個Mon都覺得sweet，但畫面愈Sweet，就愈令人覺得唏噓。

Stephy 一出場就被介紹「鍾意運動型男士」、「又係我哋主持之一嘅短訊親密朋友」，跟住兩人仲被其他主持忽然起哄，話要做主婚人，現場即時行禮，現場觀眾反應非常熱烈，雖然「一對新人」即時遁走兩邊，不過都笑到見牙唔見眼，欲拒還迎。

成班主持起哄要「一對新人」即場行禮，Stephy同小方笑得勁Sweet。

當年Stephy 同方力申拍緊拖，小方不避嫌直接落場幫女朋友。

進入煮食環節，見Stephy煮到雞手鴨腳，小方運用主持的特權，直接落場幫拖。到Stephy煮完之後，作為男朋友嘅小方非常識做，勁讚Stephy煮得好：「內外兼備，外表有賣相，內裡有味道。」都唔知讚緊道菜定讚緊Stephy，最後唔少得嘅就梗係畀Stephy 10分滿分啦，一班兄弟主持當然唔放過呢啲抽水機會，例如錢嘉樂就話：「好似係親人煮畀我食咁，直頭好似係阿嫂煮畀我食咁呀。」

不過此情只可成追憶，Stephy 同方力申兩年前宣布分手，一度震驚全城，二人分手後分別與不同人傳出緋聞，但對外依然宣稱單身，希望佢哋早日找到幸福。

此情只可成追憶，希望兩人早日找到自己的幸福。