欧阳震华（Bobby）年初四在将军澳电视城为《一屋老友记》开工拍摄救火戏，原来他在年初一寓所楼下就预演了一场“烈火雄心”，他说：“年初一出街拜年，落到楼见到个看更同菲佣指手画脚，然后去八吓，个看更好平淡话出面花园火烛，出到去睇啲火烧到十呎八呎高，我问看更攞灭火筒，看更攞咗出嚟又话唔识开，同佢打开咗，点知佢喷到我成身都系粉，后来我索性抢咗个灭火筒自己去救火，估唔到呢个世界有人唔识用灭火筒。”Bobby救火后返上屋企冲凉换衫，他说：“返到屋企工人问我咩事，我话出面落雪，不过不幸中之大幸，啲邻居都出晒埠，周围冇人，好彩畀我撞到。”
谈及拍摄《一屋老友记》火烛戏，Bobby笑说：“啲火仲细过我屋企嗰日喎。”讲到今个农历新年，他自嘲有“假期病”，瞓咗好多日休息充电。