熊黛林（Lynn）跟郭可颂结婚后一直都话努力造人，之前还经常被拍到去看医生惹怀孕传闻，今日她终于大方承认佗B，在网上发放照片，「第一次，和宝宝一起开工，好奇妙的感觉❤️」，引来大批粉丝留言。而熊黛林嘅哥哥都有喺转载微博，留言：「我要当舅舅了好开心！」

二人世界荣升三人世界！一向苗条的熊黛林腹部微隆，似乎与早前消息称她已怀孕3个月相符。早前她在社交平台贴文，留言：「吃了睡，睡了吃，还要是变猪的节奏吗？刚画完妆就又开始困（睏）了…」，当时一众网民已怀疑她真的成功怀孕，留言：「要恭喜了吗？」、「好憔悴，是真的怀孕啦？」、「难道怀宝宝了？」引来不少人直接送上祝福。

37岁的Lynn跟旧爱郭富城分手后，就与郭可盈弟弟、身家过亿的郭可颂拍拖，并于去年城城生日翌日（10月27日）结婚，爬了城城与方媛头，但生仔方面就输给城城，她与老公结婚1周年前，城城女儿都满月了。

胡杏儿上月一索得男，为老公李乘德诞下囝囝（Brendan），小王子五官标緻获「胡说八道」契妈们大讚又得意又靓仔。今日是胡杏儿的38岁生日，相信囝囝就是她最好的礼物，姊妹胡蓓蔚（豹嫂）、胡定欣、姚子羚、黄智雯及李施嬅大搞睡衣派对，送上生日蛋糕给人母胡杏儿。胡说八道会齐齐晒素颜样，亦见一直忙于凑B的胡杏儿未收身，一脸母爱抱著Brendan影合照。

瞓紧觉猪的Brendan最抢镜，众契妈爱不释手，仲学埋契仔将手放在脸上影相，好趣怪。见证胡杏儿第一年以妈妈身份过生日，黄智雯感言：「Happy birthday to 最漂亮的Myo妈妈，希望您愿望成真，你许左（左）好耐愿，就知道你将最好的都留给Babe Lee。我地（的）都深深感受到，亦亲眼见证了」。豹嫂亦留言：「今年多左个新成员帮你庆祝生日，我的等你坐完月再Party」。

歌手郑欣宜（Joyce）今日突然喺社交网站上载三段短片，片中嘅佢面容憔悴，原来佢早几日跌断左隻脚，要入院同做手术，不过唔想大家担心，所以依家先话畀大家知，上载10月31日拍紧嘅！佢话：「依家系10月31，我依家喺养和医院病房入面，因为我跌断左隻脚，岩岩见完我主诊嘅骨科医生，佢同我讲要做手术，除左骨断左之外，我最关心嘅系之后嘅我嘅灵活性。」

讲到呢度Joyce已经忍唔住眼湿湿，期间仲喊到讲唔到野：「会唔会似番我之前嘅灵活性呢，大家都知喺台上面我好扎扎跳，我好锺意跳舞，我好惊做完手术隻脚会唔似之前咁灵活，For长远嚟计系要做手术，但时间好紧逼，依家10月31号，但我4月22号会开我人生嘅个人演唱会，我希望我可以最佳状态，可以好忘我、好放、好投入咁表演畀大家睇，所以我决定我一定要做手术，惟有做完手术，落力啲辛苦少少做物理治疗，大家放心我唔会因为呢一隻脚停左我，阻止我嘅红馆梦，大家可唔可以为我加油呀？」

而欣宜嘅经理人接受访问时就透露欣宜已经做完手术同出左院，网友就纷纷留言叫佢加油努力，仲话睇见都好心痛，希望佢早日康复啦！

艺人黎耀祥、曹永廉、萧正楠及黄浩然等现时于泰国布吉为节目《公公出埠》拍摄，四位型男齐齐以「水着」于泳池一边享受一边玩big big channel直播，不过他们全程都系浸喺水中，想睇泳裤look？自己幻想吓算啦！

直播期间，有网民问曹永廉会否押醋兄弟萧正楠咁靓仔，阿廉闻言即谓：「吓，我觉得好彩添啦！佢企喺我隔篱我已经赢晒！」之后萧正楠又指住阿廉颈上条金鍊，问大家觉唔觉得好俗气，阿廉又谓：「因为呢条颈鍊系我契细佬买畀我嘅，佢嘅遗愿系叫我戴一戴，我转头就会掉㗎喇！」相信「契细佬」就系萧正楠喇！之后网民又问萧正楠于泰国有否挂住女友黄翠如，阿廉即谓：「呢度咁多其他女仔，佢点会挂住呢！」众人即刻大笑。

温碧霞(Irene)早前跟名门之后老公何祖光婚姻现暗涌，更曾分居四个月，后来老公箍煲成功，二人和好如初。自此以后，两人更加珍惜对方，Irene近日更在社交网上载多张与亲友一齐去沙滩玩的相片，更留言话：「Beautiful lovely day」，看来心情极靓！

虽然天气开始转凉，不过Irene继续以招牌的露肩装示人。相中的她无论举手、托下巴或做V字手势，都散发出阵阵仙气，有一张相更见到Irene依偎在老公怀中，简直甜到漏！

张继聪和谢安琪日前带大仔张瞻、细女张靖去旅行，阿聪上载大海的照片，一家四口去外地亲亲大自然。今日两公婆又在社交平台贴相，阿聪笑指仔女坐在餐桌前交足戏，明明未有野食都表情多多，他留言：「系（喺）《跟住爸爸食食食》依个环节里面，哥哥依旧表演（现）专业，但系妹妹更令人讚叹，你睇眼神演绎系几咁到位，明明面前冇野，都俾（畀）到反应。」

谢安琪则拍下7个多月大的女女揿实匙羹一幕，并大讚「妹妹好好身，救翻（返）......个匙羹 #女侠 #武功根底 #哥哥突然优雅 #哥哥长大了很多」。网民讚张靖好可爱之馀，亦留言「好野张太，咁都俾你捕捉到镜头」。