朋友介绍仔！陈贝儿失婚再觅爱：想有依靠

做惯主持的陈贝儿向来予人「女强人」形象，但其实是恋爱大过天，甘愿為爱情放弃事业。虽然面对婚姻失败，但她仍然相信爱情，没有放弃再寻找真命天子。

爆朋友积极介绍男仔

陈贝儿早前爆出与结婚六年的圈外老公黄国栋离婚，虽然双方试过挽救，但最后因性格不合而分开，陈贝儿表示：「係可惜嘅，但都係随缘！适应紧一个人生活，样样嘢都要靠自己去做，不过香港女仔都硬净，冇话唔可能。」单身的她直言获不少朋友积极介绍男仔认识，现时择偶最重要与另一半沟通到：「又唔係未试过！依家清楚自己要啲乜，外表冇所谓，矮都得！最重要沟通到、舒服。做女人係想有个依靠，但有时都係要靠自己，要识令自己开心。」

愿为另一半弃事业

虽然外表十足「女强人」，但讲到爱情的话，贝儿绝对是位恋爱大过天的女性！她笑言要澄清做主播时见她穿裤子、样子刚强，但内心却可以為爱情而放弃事业：「我係爱情至上！女人对爱情成件事係有憧憬，我到呢刻都相信爱情！我可以為咗另一半放弃事业，但要睇对象可唔可靠，唔可以被爱情冲昏头脑。我係以家庭行先，想组织家庭。」她坦言已经结过一次婚，第二次要拣得对。

客串拍剧有新鲜感

感情上有转变，工作上亦有新尝试，贝儿首次客串拍剧《再创世纪》，获林嘉华教做戏，她直言拍剧好新鲜及好玩：「做主持要凸显个人风格，同一句说话，唔同司仪表达都唔同；拍剧就要缩小自己性格，摆低自己投入新角色，做主持就要好流利咁讲晒啲稿，反而做戏唔係要流利，要有停顿同呼吸位，要活化同有感情喺入面，我都难掌握。」

下月嫁人！前港姐李美慧默认有喜

艺人李美慧将于下月3日跟比她年长25年的富商曾文豪结婚，她担任《宫心计2深宫计》宣传活动司仪时，未知是否心情太兴奋，竟连番讲错马浚伟及萧正楠名字，引得全场发笑！

活动尾声时，台前幕后为她制造惊喜，交由马浚伟献花，及送上全部演员签名卡纸，李美慧顿时眼湿湿。马浚伟更表示：「美慧係个好女仔，喺横店拍嘢撞见流浪狗，佢会捉佢哋去睇医生、冲凉，走咗又返去睇小狗！」游戏期间马浚伟又叫美慧小心身体：「你粗身大细呀！」

李美慧笑访谈及造人大计，当记者追问她何时开始造人，她直言：「决定结婚就开始。（有好消息未？）er...唔讲得住！」默认有喜，她指工作上尚未与未婚夫达成共识：「不过就嚟有共识。（咁生咗成年唔做嘢？）未必，我睇自己身体状况。」而香港设婚宴后，美慧夫妇7月会到法国尼斯再宴客，她直言刻下心情不紧张。

首次担正做女一　黎美言打到周身伤

歌手黎美言（Winkie）去咗青岛拍打戏，佢呢日喺社交网大晒周身伤嘅伤，睇到佢块面，下巴同埋双脚都有伤痕，真係睇都痛呀，令一众网民都好担心纷纷上祝福。

仍喺青岛拍摄嘅黎美言，佢话：「今次係我人生首次上内地院线大银幕做女一，我希望可以做得更好，昨日在海边拍摄了15个小时湿身，感冒了，但我明白打戏係辛苦，但值得嘅，我要保持专业，有机会要好好珍惜。」

屢收下体相 梁敏仪为工作硬食性骚扰

艺人梁敏仪被网上性骚扰！日前她于微博私信中，收到一名自称男粉丝的三级露骨留言，对方更发放下体照，令她非常气愤，直言：「核突！恶心！」梁敏仪透露近年不时收到这类下体核突相，令她相当无奈：「佢哋会先讲一啲好露骨嘅留言，之后就发啲核突相，我唔会同佢哋嘈，因為佢哋都係想我应佢，我只会向微博举报同埋公开佢哋嘅相片同说话内容，当然相片我会打格。」她坦言亦曾试过被人私信问饭局价：「但我当然唔会理，不过因為有啲内地商演工作係透过呢个途径（私信）联络我，所以我都要经常睇，冇办法避。」

被指整容　陈展鹏否认：真金不怕红炉火

艺人陈展鹏出席活动，谈到他日前为内地应用程式所拍摄的海报，被指样貌疑似整容胶样，问是否觉得不似自己？他说：「早排影㗎喎！似唔似要交畀观眾去睇。（会唔会唔钟意？）冇啦！」问到张海报相可有被人P过？他指内地公司可能赶时间出，自己觉得张相没有问题：「最重要大家见到我。（自己平时会P图？）呢啲女仔就钟意，但有时觉得太重手会妖味重，就麻麻哋，叫佢哋唔好乱摆上网。」

陈展鹏表示最近甚少出席活动及宣传工作，这次当作宣传6月底播出的古装新剧。问可会担心网民真的误以为整容？他说：「我喺呢行都廿几年，我有冇整容，同之前话瘦面同割双眼皮，我觉得呢啲茶余饭后倾吓笑吓都OK，真金不怕红炉火。（接受微调？）眼见好多女仔畀韩国潮流带动都几犀利，但如果畀到自己信心、唔伤身同沉迷，我觉得係可以。（畀你会整边Part？）我男仔唔使啦，但会做皮肤护理同做美容去班，因為自己钟意打高尔夫球等户外活动，所以係几帮得手。（有打过班？）冇，但接受。」

☞转载授权微信：lama129

☞ 商务QQ：1900556960