歌手孙耀威（Eric）与太太陈美诗（Macy）到尖沙咀为Eric创办的礼服，以及婚纱订制工房举行首次婚纱礼服Showcase，Eric除了演唱多首歌曲，又与Macy担任模特儿，两公婆一齐着婚纱礼服，似足再行礼，场面Sweet爆！受访时，Eric笑说大家看不到后台的一脚踢，他要搬饭盒、搬婚纱、烫衫和吸尘，Macy就帮女模特儿换衫，Eric说：“我哋喺后台，啲女仔一入嚟，我就即刻接住条裙，惊整污糟个尾，每一件都好贵。（你唔系帮女仔换衫？）我想嘅，我帮猛男啰。”他指同事、妈妈和妹妹都有帮手，妹妹的儿子示范童装，妹夫就帮他换衫：“好好玩，一个家庭做一件事。（两夫妻再做一次骚？）唔好啦，头先啲人讲恭喜晒，我话唔系再恭喜多次嘛。”

终于有门生意唔蚀钱
提到自家男装品牌做了一年，Eric笑言终于做了一门不用蚀钱的生意，很开心推出婚纱系列，第三间店装修完会试业，并于年底正式开张，Eric指这次投资比前两间少：“好难计，因为好多资源都同头两间铺共用，冇咁大使，明白一阔三大。新铺都系300几呎，喺同一个商场，员工可以两边调配。”至于Macy身上的婚纱由Eric设计，他亲手把蝴蝶逐只钉上去，笑言做梦都见到蝴蝶飞，但很开心造到一条很漂亮的裙：“做咗男装之后令我发觉自己有无限创意，想发表多啲我嘅设计，愈做愈开心同有火花。我着过我嘅作品上无綫节目，啲客人即刻买。唱歌我试过曲、词、编、监，衫都做埋就好正。”问Macy会否想老公为自己设计其他衣服？她坦言想，因为女生都需要很多漂亮的Party Dress和晚礼服，他们会陆续推出自己的系列。Eric赞太太的身材像公仔：“我用公仔个身材去造（婚纱），造完先发觉公仔都几劲吓，笠落去就OK，反而Macy条腰仲瘦啲，仲Fit过个公仔。”

到谷底再反弹
谈到内地的艺术红酒生意，Eric指开头蚀了很多钱：“不过未埋单，仲做紧，每支红酒都由个法国设计师画好靓嘅画上去，不过佢前年过咗身，之后好多人抢佢啲酒，因为冇啦。”他自言本来冇心继续做，已身心疲累，但现在觉得绝处逢生，到了谷底又反弹。