《溏心风暴3》网上已经播出20集

由第一集开始果然冇令粉丝失望

成功变成《金句风暴3》

虽然台词有D生硬烦琐

但睇嚟大家都好受落

豆瓣评分有8.6分咁高！

虽然仲有夏雨、李司棋、关菊英、米雪坐镇

加上王浩信、岑丽香及黄翠如等新血

但冇咗“管家仔”林峯、“哑女”陈法拉、“得得哋”陈豪、“攞女”杨怡、“常在心”钟嘉欣

始终感到美中不足，少减D味道

不过大家唔好难过住

“溏心迷”有福啦！

“正爸”夏雨话

《溏心风暴》将会拍成电影版

邀请《家好月圆》的原班人马出演！

前几年就开始转型做电影监制嘅夏雨

而家系一间影视娱乐製作公司嘅总监

早就密谋过要搵晒原班人马拍电影！

加上《溏心》一众班底都玩得好埋

平时都有约一起吃饭

但拍剧能一班人一齐相处几个月真係很难得

今次可能係睇到《溏心风暴3》有所不足

收视平平

夏雨先扚起心肝吹鸡开电影

点名一定要李司棋在电影做他老婆

不过咪睇“正爸”依家咁和善做大好人

其实佢十几年前脾气好火爆

司棋姐大爆其实十年前自己是“唔睬佢嘅”

係经过十几年相处先慢慢熟络

F过夹band

“正爸”今次讲到明要请翻以前经典班底演出

林峯、杨怡、陈豪、陈法拉等

都係由《溏心风暴》走出来的视帝视后

大家最希望边个回归咧？

陈法拉

因为“哑女”阿庆形象成功入屋嘅法拉

係《家好月圆》全程无对白，全靠手语做戏

为咗演好哩个角色佢仲学咗4个月手语

虽然讲唔到嘢，但阿庆斯文可爱不做作

好多师奶都好钟意佢嘅角色

每次睇到佢俾人闹俾人误会都好心痛！

杨怡

杨怡参加过两部《溏心风暴》

第一部係串串哋嘅卓文丽，未婚先孕

第二部係饰演“攞女”阿月

成日俾关菊英挑衅、嫌弃

幸好有“家、好、圆”三兄妹保护

当时杨怡嘅演技都好值得关注

要狠毒可以演出坏女人嘅眼神

要乖巧可以演出无辜弱势的可怜

依家转型为人妻嘅杨怡

可以考虑接替关菊英做“搅屎棍”角色喔~

陈豪

陈豪凭借《溏心风暴》的“得得地”夺得视帝

第二部里搞笑又讲义气的“渣沽”也非常出色

陈豪除了可以搞笑

仲可以出演专业治婊30年嘅型格大叔

电影版肯定可以搵佢做！

林峯

由《溏心风暴》的配角程亮

到《家好月圆》的主角“管家仔”

林峯形象阳光，加上依家成熟稳重

一直都深受观众喜爱

加上佢同常在心嘅CP可歌可泣、令人回味

如果电影版有佢加入

一定多好多人买飞入场

钟嘉欣

相信大家一定仲记得“常在心”

虽然都係演温柔可怜嘅小白兔角色

但可以演到咁入屋一D都唔简单

加上依家嘉欣BB已经生完细路重新复出

出演电影应该都冇咩问题嘅！

徐子珊

徐子珊係《家好月圆》中饰演嘅嘉美

当时睇到观众都闹爆佢

搞是搞非，用毒计陷害阿月

16岁未婚生子狠心将细路送去孤儿院

比米雪有过之而无不及！

仲欺骗埋陈豪嘅感情

真係蛇蝎都冇佢咁毒啊！

黄宗泽

Bosco係唯一一个参演3部《溏心风暴》嘅年轻演员

前两部虽然戏份唔太多

但又同杨怡结过婚、又同钟嘉欣相恋过

艳福都唔少

到咗第三部更加唔使讲

晋升为主角不特止

仲有一百几十条女一D都唔夸张

相信都不会係电影版缺席

不过问题嚟啦

有成30集以上嘅《溏心风暴》家庭伦理剧

要拍成得2个钟嘅大银幕版

会唔会连人物关系都未交代清楚就结束咗？

如果连吵架都係点到即止，唔入肉

咁未好唔过瘾？！

不过相信哩D问题“正爸”都会搞掂晒

我哋一齐拭目以待以后公布演员名单啦！