玩到凌晨3点！囝囝确诊流感　陈敏之自责

艺人陈敏之日前同萧正楠夫妇、洪永城等人开新年派对，当晚敏之带埋囝囝雷子乐一齐出席，两母子仲玩到凌晨三点。点知寻晚囝囝突然发高烧，敏之今朝即刻带佢睇医生，竟然确诊流感！

做妈妈嘅敏之非常心痛，亦好自责当晚同囝囝玩到太夜：「心情跌到谷底，BB昨晚一直高烧，烧到块面红卜卜，吃了药都未退，反反覆覆，今天一早带他去看医生，原来中了流感，我心如刀割，是妈妈不好，带你去玩，玩到太夜，唔够休息中咗招。看见你受苦，我是多么内疚和自责，希望你快点好起来，妈妈带你去睇车车。」好多网民都祝福子乐早日康复，同埋安慰敏之唔好内疚，病嘅嘢冇人想发生嘛！

佗住B照做！乐基儿做高难度瑜伽倒立

怀孕超过5个月的乐基儿（Gaile）经常在社交网上载大住肚做瑜伽嘅相，而昨日佢又上载最新照片，重点系呢个动作难度超高，就算唔大肚都好难做到，就系倒立喇，见佢只系用头顶及双手支撑成个身体同肚入面嘅BB，真系好犀利呀！唔知肚入面嘅BB有冇顺便打个斛斗呢？

令林凯恩怀魔种　黄子恒续集戏分不多

于年前无线剧集《降魔的》有份演出的黄子恒，昨天未见他出现新一辑《降魔的2.0》的造型活记者会，有鉴他与大陆女粉丝Michelle的桃色新闻，有传令到对方堕胎的负面新闻，问监制方骏钊是否将他飞出剧组，监制表示黄子恒于新一辑属于客串，戏分不多，至于上一辑他演的角色被恶魔附身，而林凯恩更怀有其骨肉，监制称会有延续，但BB是否魔种或能否出生，则不会剧透。

小糯米有冇挂住杨幂？刘丹：佢挂住玩

艺人刘恺威与杨幂离婚后，行踪成谜一直未有现身。昨日下午，其父亲刘丹在香港寓所独自驾车外出前往湾仔，问到其孙女小糯米有否挂住妈妈？他表示：「佢乜嘢都唔挂，净系挂住玩。（刘恺威喺边？）我唔知喎。（佢有咩打算？）我唔知佢有咩打算喎。」问到小糯米有否上课，他则未有回应，只透露自己外出打波。另外，早前有网友为杨幂凑女做了个计算，指她三年内只陪了小糯米37日。