佘詩曼於劇中飾演被乾隆冊封為嫻妃，獨掌六宮大權，雖然一心傾慕皇上，但卻得不到對方的寵幸。（微博圖片）

佘詩曼入行至今拍過唔少古裝劇，《宮心計》、《金枝慾孽》、《公主嫁到》等代表作更令她事業更上一層樓。但自09年的《公主嫁到》後，阿佘所拍的基本上都係時裝劇，故去年她接下內地古裝劇《延禧攻略》後，唔少劇迷都表示十分期待。該劇預計於6月播出，而TVB亦已買入版權。

睇番佘詩曼之前拍攝《延禧攻略》時上載的照片，都有戴到頭飾。（微博圖片）

難得再拍古裝，以阿佘今時今日的地位，做女主角都是必然的事，但原來《延》以內地女星吳謹言飾演的令妃與乾隆為主，而阿佘飾演的嫻妃則是繼位皇后，戲份頗為重要。唔少劇迷認為阿佘的演技，是《延》的亮點之一，對於今次的七年之癢，阿佘呢日出席時裝活動時，就透露了接拍《延》的原因。

「主要原因係之前整到條頸，唔可以負荷太重的頭飾，所以一直都推了很多古裝，但今次《延》只係一個小燕尾，但最主要係因為做奸角，自己未試過，古裝演得多，但想在自己的演藝生涯奸一次，看看自己能否做到奸妃，再挑戰觀眾的底線，看他們會否因而討厭我。」至於奸妃是否沒有好下場呢？阿佘就大賣關子。「佢係有原因咁去做壞事嘅。」

古裝劇對佘詩曼來說根本無難度，早年她在《雪山飛狐》中的苗若蘭、《帝女花》中的長平公主，到後來《金枝慾孽》的爾淳小主、《宮心計》中的劉三好都備受好評。（網上圖片）

另外，提到黃子華宣布將舉行最後一次棟篤騷，阿佘表示當初得知此消息時都呆咗。「清醒後即問他可唔可以加飛，當然係唔得啦，每次都一票難求，自己都有留到給朋友、家人，所以都好滿足，聽到佢最後一次都唔開心，但又唔可以咁自私，無理由因為自己想睇而要佢繼續做。」阿佘認為黃子華一定是經過深思熟慮才做出此決定，身為朋友會尊重，亦期待他將來帶給大家的另一個驚喜。

佘詩曼出席時裝活動，她指自己多數網上購物，亦有遇過貨不對板。