王祖蓝工作一向都非常忙碌，香港内地两边飞，绝对系大忙人呀！不过，祖蓝近排竟然有时间执屋喎，仲畀佢揾番陈年小学嘅成绩表，呢日佢仲喺社交网上同网友开心share，仲留言表示：“《想当年系列》前排执执吓屋，竟然揾番陈年小学成绩表出嚟，而某几年嘅评语，竟然都系叫我要谦虚啲，可想而知我当年几咁骄傲#执屋等同寻宝 #回忆返晒嚟 #我都想打以前嘅自己”

相中就见到祖蓝晒三、四同六年班嘅成绩表，成绩相当唔错，仲拎过唔少奖项，又学业奖又朗诵奖，原来年纪细细口才已经咁叻喇!虽然成绩就几好，不过操行上就麻麻喇，由乙+到最后变成丙+，难怪老师到后来畀佢嘅评语，本来劝叫佢要谦虚同有礼貌，到最后话佢“惟欠谦逊及礼貌”，好明显祖蓝喺呢方面系冇乜进步！好友容祖儿就留言话：“咁叻仔想唔骄傲都难！”有网友仲话亮点除咗系祖蓝嘅成绩外，就系佢样貌唔系好大变化，最后变咗做四眼仔！