追求者「可以接受」  阿佘相信缘分好快到

本文转自网络 不代表本号观点

单立文（豹哥）正式“登六”( 60岁)，“豹嫂”胡蓓蔚为佢举行生日会，《爱·回家之开心速递》嘅刘丹﹑吕慧仪﹑张景淳﹑汤盈盈等人，以及由出道就已经有合作嘅蔡卓妍亦有出席，而喺苏韵姿上载嘅片段所见，以白马王子造型出席生日会嘅豹哥同来宾跳劲舞兼满场飞，又揽实豹嫂胡蓓蔚锡锡兼一齐切蛋糕，心情大靓，唔少网民都留言祝豹哥生日快乐，并表示非常羡慕，因为豹哥无论系样貌和心境上，点睇都唔系60岁。

豹哥感冒仲未好番，但佢喺生日派对上十分精灵。

愈keep愈后生嘅单立文，点睇都唔似60岁。

到底豹哥有何冻龄秘诀呢？他接受访问时表示年龄只系一个数字，故此对60岁并没有任何感觉。“可能系因为我工作、家庭都无乜担忧，工作上亦都有好嘅对手，所以每日开工都系好快乐，其实保持童心系好重要，阿叔呢个角色无论系心境或背景都同我好似，当初拍嗰阵因为自己又拍紧《乘胜狙击》同《踩过界》，角色都比较沉重，所以会有少少担心可唔可以做到阿叔，但珍姐（曾励珍）觉得我可以嘅，好多谢佢比信心我。”豹哥笑言做咗“阿叔”后，不时都有路人跟他打招呼，而小朋友亦都唔怕佢，有时就连驾车时，都有警察同自己打招呼，令他感觉十分开心，亦更珍惜“阿叔”一角。

豹哥开P，又点少得一班《爱回家》嘅屋企人。

豹哥喺圈中人缘甚广，“登六”咁大件事，唔少好友都有到场祝贺。

除了心境外，豹哥在饮食方面虽然想食得就食，但由于有老婆胡蓓蔚严控，所以也食得非常健康。“好似之前过年食得太多，到呢排出街嗰几集都面肿肿，佢就系咁话，叫我好好检讨下，依家要食营养餐急减。”到底系肥咗几多搞到要检讨呢？豹哥轻叹一声后，表示半个月内肥了近10磅，难怪会遭老婆诈型。豹哥透露，在饮食方面，基本上用一半丰富一半清淡，不会刻意食少啲。“心境真系好重要，香港人太部分都好大压力，大家睇多啲阿叔开心下啦。”咁万一阿叔有压力时，又会点解决呢？豹哥话会靠听音乐减压。“因为细细个就已经好钟意音乐，除咗可令自己放松外，亦会启发我好多嘢。”豹哥透露大概两至三年才会进行身体检查，对上一次检查时发现胆固醇略高，不过医生认为已他的年龄来说，已算不错。其实除咗心境之外，相信衣着打扮亦是豹哥冻龄的最大秘诀。“自己不嬲都贪靓，同埋做艺人都应该有呢种特性，再加上身为艺人应该要有要求、自律性，如果我60岁都可以做到咁的话，应该好多人都可以做到咁。”

豹哥话老婆无特别送生日礼物比自己，除咗系因为平时两公婆都爱购物之外。“咁生日会都系佢帮我搞，有消费架嘛。”出钱又出力的好老婆。

衣着打扮亦为豹哥减龄不少。

---------------------------------

商务合作QQ：2063871309 

剧迷QQ5群:133989729

最新最快最全：关注订阅号tvbvideo，回复：2019

（长按下图识别二维码即可轻松关注）