现年46岁的歌手梁汉文（Edmond）今日下午就醉驾案件被控两罪出庭应讯，在庭上表现有点紧张的他，双手垂直互握。早前他已承认两项控罪，法官索取社会服务令报告后，刚作出判决，梁汉文判罚160小时社会服务令兼停牌2年，并罚款1,500元，在其保释金扣。如果再违犯就会重新再判或者坐监，梁汉文在庭上说：「明白，我愿意！」

梁汉文在停牌期间不能申请任何驾驶执照，并须即场交出驾驶执照，他亦要参加驾驶改进课程，对于判决，他再次表示明白。而本月13日上午9时15分他要再返东区法院见感化官，进行社会服务令的工作安排。

Edmond方面曾经透露因为今次事件有一些工作安排被取消，据知他除了继续跟林敏聪主持ViuTV节目《Good Night Show全民星战》，最快将于4月21日晚在澳门威尼斯人与苏永康举行《SO MAN SHOW演唱会2018》，至于其他工作安排就要有待配合感化官方面安排再作决定。

Edmond被判后，一直跟律师在法院内跟感化官见面，逗留了3个小时，约下午5时半离开，对记者的提问，Edmond双手合十未有回应，尾随律师一同登上七人车离开法院，七人车先往西环放下律师，然后直驶其位于罗便臣道寓所。

沈卓盈、苏韵姿、乔宝宝等出席无线艺人部举行的「四月星辰」活动，昨日（5日）34岁生日的沈卓盈，因病跟男朋友于家中度过。她说：「我病咗成个礼拜，无出去庆祝，都系男朋友煮饭。」她笑指男朋友七情上面地煮了4个小时，说：「有龙虾汤、清酒煮蚬，主菜系牛扒，都好食！」

谈到男朋友可有趁机求婚？沈卓盈笑说：「现阶段最重要系身体健康。我同男友都病咗成个礼拜，男友病先我照顾佢，之后又惹到畀我。」此外，谈到工作动向，她透露仍在休息，都希望早前拍好的剧集早点播映。

袁伟豪（Ben）、唐诗咏、朱晨丽等宣传剧集《栋仁的时光》，为配合剧情需要，逐安排Ben表演「锡锡」，他更跟林子善连咀3次，HeHe味十足。

Ben透露剧里咀足10个人，当中包括林子善，子善更赞其嘴唇软绵绵。他说：「跟他认识了那么久，预了他会咀过来。」他在剧里不乏咀戏，问可会禁止女友张宝儿观看？Ben说：「全家都一齐睇啦！」在旁的诗咏即笑说：「那么一边睇一边咀啦！」

名模周汶锜（Kathy）两个混血囝囝Jacques同Avner出名可爱，平时Kathy一喺社交网Po出囝囝嘅靓相，都即刻呃到唔少like。

啱啱Kathy再晒出大仔Jacques嘅新相，见佢成块面都污糟晒，究竟发生咩事呢？原来Jacques食紧朱古力冬甩，佢仲肉紧到完全不顾仪态，睇嚟佢真系好钟意食甜嘢！之后，Jacques同咗爸爸去沙滩玩，爸爸仲用沙埋住Jacques，氹到Jacques超开心！

唔少网民都大赞Jacques得意，亦有网友问Avner去咗边，想睇多啲两兄弟嘅互动。

林盛斌（Bob）不时以搞怪造型示人，尤其最爱扮女人，今日他又在社交平台上载重口味Cosplay相，呆呆滞滞扮观音，他留言：「我希望观音娘娘会原谅我……」整个造型加上Bob的表情，实在令人O嘴，未知Bob是否顶唔顺自己或觉得太不敬，甫出照片后又删除掉。

由钟欣潼、贺军翔、洪卓立（Ken）主演的台湾偶像剧《动物系恋人啊》日前正式播映，由于剧集题材新颖，通过对动物习性的分析，与人们恋爱时的性格匹配，开播一个礼拜已经好评如潮。剧中，Ken饰演贺军翔的好兄弟史杰森，虽然是一个万人迷，不过就是搞笑个种，一向走靓仔文青feel的阿Ken要演搞笑能手，被网友大赞：「每次见到洪卓立就忍唔住笑。」所以套剧一出，阿Ken在社交平台的fans数目即刻升到「巴巴声」。

至于今次去到台湾拍剧，洪卓立表示原来剧组班底同2009年他拍台剧《王子看见二公主》时基本上是一样，他说：「当时香港、台湾两边走，最后就大病咗一场，完成唔到部剧。今次埋咗班后先知原来就系嗰部剧嘅班底，所以好开心，班crew都好开心，亦都好锡我。」除此之外，讲对白对阿Ken来说都是一大挑战，他说：「好耐都冇试过拍一套剧系全讲国语，所以自己都好紧张，开拍前同拍摄期间，都喺度苦练国语。」 

无线剧集《果栏中的江湖大嫂》话咁快就嚟大结局，而有份演出嘅艺人王卓淇（Erin）呢日就喺社交网甫咗一段同冯盈盈一齐跳舞嘅短片。一开始嘅时候Erin就同冯盈盈一齐跳韩国女团TWICE嘅《LIKEY》，平时见佢哋摆甫士就叻，估唔到跳舞都有一手，成段舞都跟到足，唔讲真系以为佢两个系韩国女团嘅成员。而且佢哋两个仲大骚长腿兼嘟嘴卖萌，睇到一班网民都大叫好可爱呀！

Erin同冯盈盈一齐跳就sell可爱，同江嘉敏、袁文杰、吴家乐、许家杰一齐就大玩Freestyle。片中见Erin好努力喺中间跳舞，但系身边嘅其余四个人就不停乱咁跳。而向来霸气十足嘅「游生」袁文杰竟然喺镜头前郁身郁势，而且仲不停做《LIKEY》嘅招牌L字手势，真系够晒搞笑！不过许家杰都唔输蚀，即时用脚翘住吴家乐，认真骑呢呀！唔少网民都话袁文杰抢晒fo，仲话估唔到佢跳起舞上嚟会咁好笑。 

参加《功夫新星》入行嘅无线艺员何佩珉（Mandy）近日孖住男友去咗欧洲旅行，连日嚟去咗唔同景点。佢哋最新一站就去到法国嘅香波城堡（Chateau de Chambord），点知男友就喺呢个时候乘机求婚，真系超级浪漫！Mandy喺社交网报喜，佢留言：「Yes, I do!!!!」，仲用法文写上「未婚夫」同「未婚妻」嘅字眼。Mandy亦甫咗几张求婚时嘅相，见男友深情下跪，Mandy就肉紧拖实对方，最后仲大晒钻戒，简直隔住个mon都feel到佢好幸福！

韩国男星宋承宪与刘亦菲在今年1月宣布分手，2年半恋情划上句号，甩拖后女方心情未有太大影响，如常开工及四围玩，不时在社交平台上载新相。

不过宋承宪分手后，只在社交平台骚过杂志封面照宣传，潜水个多月的他今日终于更新社交平台，甫出在健身室的自拍照，头发带点凌乱美，微笑的他依然靓仔。不少粉丝留言表示挂念Oppa，希望宋承宪一直保持靓靓心情及多更新社交平台。