苟芸慧（苟姑娘）与男友陆汉洋出席歌手关心妍有份搞慨慈善晚宴，陆汉洋话今次除咗买台支持关心妍之外，亦有份支持关心妍老公杨长智，因为彼此系好朋友。讲到关心妍话老公今次有份做咕哩，问到陆汉洋会唔会做埋？他说：“我未得闲，如果有需要我都会做慨。” 

“渠直情系我慨仙丹、天山雪莲” 

问到陆汉洋有冇接触过抑郁症慨朋友？听完渠就望住苟姑娘（苟姑娘早年曾患有抑郁症）话：“其实每个人都有心情好同唔好慨时候，我自己都有试过情绪低落，最紧要系嗰刻有朋友支持。（赛车畀到好大压力你？）都系慨，自己又新建立车队，比赛前都有好大压力。（依家有女朋友系咪好好多？）好好多，之前就有抑郁，依家就有益而冇郁，系益处个益。（你两个一齐咗开心好多？）渠直情系我慨仙丹、天山雪莲。” 

另外，问到苟姑娘当时有抑郁系咪好影响心情？她说：“系呀，嗰吓好需要人帮手同关心，先唔会令到自己咁差。（男友系咪你慨仙药？）渠教识我点样去宣泄情绪，我就同渠相反，赛车反而令我可以宣泄到情绪。”当问到苟姑娘会唔会搵男友发泄？渠就好甜咁望住男友话：“我边够胆喎！”陆汉洋听完又即刻话：“唔好咁讲，一个人唔开心慨话，真系要适当搵嘢去发泄，例如听音乐、赛车、跑步同埋做运动等等。”