近排无綫剧集《亲亲我好妈》热播，深受观众及网民欢迎，除左因为内容能够反映现时社会状况之外，亦反映左唔少妈妈嘅心声。不过除左对剧集内容有共鸣之外，剧集演员亦获得唔少关注，就好似跑出嘅清纯学生妹江嘉敏。近排又有网民发功捧左一个「御用巴渣港女」，佢就系长脚蟹吕慧仪。

吕慧仪今次喺《亲亲我好妈》入面饰演公主骄妈，除左讲野乞人憎、尖酸刻薄、一副嚣张嘴脸、又经常向老公发脾气，仲要怪兽家长上身，过分溺爱同保护自己个仔等等。佢将角色演绎得淋漓尽致，虽然角色乞人憎，不过正因为咁佢嘅演技就被一班网民激讚：「倒模咁演」、「似被监製定左型」，更指「高太以前就是余花，生左囝囝之后变成高太」，仲话除左佢之外，其他人做呢啲角色会好乞人憎，好想打佢。

虽然吕慧仪嘅样就真系有几分典型港女相，不过大家都唔可以抹煞佢之前嘅训练。就好似佢之前喺《一屋老友记》中同样饰演一名上左年纪少少嘅「o靓模港女」余花，讲野同样尖酸刻薄、郁啲就发脾气同尖叫、又拜金等等，长脚蟹喺做「港女」方面都可以话系训练有素。

如果各位真系好欣赏佢嘅话，咁就真系有眼福啦！事关下星期一开始播映嘅处境剧《爱．回家之开心速递》又有吕慧仪！佢今次就做刘丹嘅二女熊若水，一听个名就知又系一个港女角色，当中佢会经常同饰演三妹熊心如嘅苏韵姿闹交，招牌揼地尖叫当然唔少得。大家到时最紧要分清楚自己究竟睇紧边一齣剧集，唔好搞乱佢究竟系做紧人阿妈定系做紧人个女啦！

-End-

文章均为原创，未经授权一律禁止转载

如未授权转载至公众号，必追究法律责任

公众号回复艺人名字可查看其他八卦

比如：刘德华 / 古天乐 / 快乐家族 / 英皇 / 何炅 / 谢娜 / Boy'z / 叶璇 / 钟丽缇 / 吴亦凡 / 方力申 / 邓丽欣 / TVB / 任达华 / 陈伟霆 / 刘诗诗 / 杨幂 / 钟嘉欣 / 陈冠希 / SNH48……陆续整理中