宣萱（Jessica）出席慈善午宴，专诚到场支持及宣扬有关领养及爱护动物的讯息，她表示现时家中有3只狗、2只猫及一缸鱼：“我想提醒养动物要有承诺，因为始终有人系唔明白承诺系好重要，宠物唔系一定要养，但要环境、时间上许可先好，所以要谂清洁。”

她又透露早前提及患上癌症的爱犬已在数月前离世：“但我会继续领养，我嘅做法系一只狗走，一只狗嚟，唔系话唔挂住走咗嗰只，每次有狗走都会好伤心，但狗仔只有10几年命，我好彩就有90几年命，我希望可以系自己有生之年，养得几多只就几多只，不过我以前试过同时间有6只大狗，发现太多系唔得，自己冇咁多attention畀到佢哋，对佢哋又唔公平，所以依家就养3只，同埋我嘅做法系领养中年狗，好多人系锺意由bb狗养起，但我已经面对咗9只狗离开，我系到咗可以面对佢哋系我生命里面出现较短时间，希望畀到爱佢哋，因为佢哋得14、15岁命，希望佢哋生命行到一半，都人有人去锡去爱，有好嘅环境生活。”

教人面对宠身离世

她又谓明白许多人是面对不了动物离世，故早前亦有举行一个分享会，以讲述自己的经历来助大家面对和克服困难。问到有否留意早前有狗咬伤人事件？她说：“其实主人系要负责任，知道自己狗仔有危险性就要小心控制，当然可能事件有其他意外情况，但都要小心啲，我自己嘅狗都试过打伤其他狗，我都即刻道歉同话负责赔医药费，但咬人就真系好严重，一定要控制住。”又谓自己不会训练狗只：“佢哋只系识sit，唔想训练佢哋好似做马戏团表演咁，啲朋友成日都话我系untrainer，我只希望佢哋开心，食饱、瞓好，有个安乐窝。（咁另一伴都唔可以憎狗？）系啊，如果讨厌狗，我系唔会开始。”