圈中有唔少模范爸爸趁住圣诞节，为子女花尽心思，希望可以畀到佢哋一个难忘嘅圣诞。向来工作忙碌嘅艺人陈浩民就化身成圣诞老人，畀个惊喜畀囝囝囡囡，不过就畀大女雅薷识穿，而太太蒋丽莎就喺社交网上载多张合照，见到着晒圣诞老人装嘅陈浩民，啲衫同白胡须都跌晒，难怪蒋丽莎就话：“圣诞节快乐一个被大侦探雅薷玩坏了的，最无辜圣诞老人衣服都差点被扒了，笑到肚子都疼了，你终于知道“白雪公主”的心情了吧!抓住圣诞尾巴再次祝愿(愿)大家平平安安健健康康快快乐乐开开心心幸幸福福～@陈浩民benny”陈浩民唔单止预备咗礼物，仲有一个非常精致嘅蛋糕，哗！爸爸咁好，唔怪得一班仔女都冲向爸爸度，笑得不知几开心，仲嚟张一家六口合照，场面温馨!

另一边，同样系好爸爸嘅内地艺人张丹峰，同样化身成圣诞老人，送礼物畀囡囡，仲喺社交网上载咗短片，就留言表示：“以后每年都为女儿扮圣诞老人，等她长大之后再告诉她那个其实是爸爸，但是感觉我女儿好像被吓坏了。祝大家圣诞快乐!”片中见到张丹峰换咗圣诞老人装束，似乎心情好开心，当张丹峰出现喺囡囡面前，仲送礼物畀佢，而太太洪欣最后都有入镜，仲一家三口合照，不过囡囡就完全认唔到爸爸，仲表现有啲惊，搞到洪欣不停笑，网民都话张丹峰扮得好成功添！

点阅读原文