泳兒今日推出全新廣東EP《Short Stories》，今次泳兒特別飛到台灣拍攝封套及新歌MV，請來當地著名音樂錄影帶導演黃中平操刀，由於泳兒要瞓在地上拍攝，加上被工作人員包圍，令不少途人誤以為有血案發生封路，百無禁忌的泳兒笑指大吉利是，即惹來眾人哈哈大笑。泳兒提到坐在車內將頭伸出窗外的苦況，她說：「成個頭同右手要伸晒出窗，車廂又窄，要靠腰力同頸力支撐成個姿勢。」

一直照顧中風母親的泳兒日前不幸患上嚴重皮膚敏感，她說：「好勤力咁做保濕都冇事，後嚟成晚又痛又痕，搞到有段時間瞓得唔好，最終都要去睇醫生。」隨即感謝髮型師男友及愛犬說：「身邊人未必可以行動上幫手，但有得傾訴都係發洩方法，或者唔開心就攬吓隻狗。」