单立文（豹哥）昨日到将军澳电视城，为游戏节目《Do姐有问题》第四辑撑场，甫受访讲到他的老婆胡蓓蔚于疫情下仍飞上海探亲，他闻言即大呻：“我好惨呀！开完工就要去买餸、煮饭、洗碗，做晒先瞓得！”问到可会担心老婆在机上安全？他先正经说：“唔到我担心，佢都咁大个人，依家喺酒店隔离。”然后抵死讲笑：“反而系担心自己，我觉得呢排变得开朗又活泼。（有每日同老婆联络？）佢系我老婆，如果唔系每日一Call都几大件事。”

问到是否豹嫂双亲身体出现情况，才赶返上海？豹哥指因外父有心脏问题：“佢有心房颤动，心跳会唔正常，有时一跳跳几百吓，对老人家都辛苦，所以豹嫂陪爸爸睇医生，因为疫情佢都有半年冇返去，外地对疫情检验系有杀错冇放过，都唔会太担心。”

之后豹哥突然爆料，笑指之前曾被玄学家批，若然2019年冇BB，2020年就会出现“小三”：“就系惊喺呢段时间呀，哈哈！搞到我晚晚都瞓唔好。（你收工系咪即刻返屋企呀？定周围去？）哗！呢啲私人嘢唔答啦，哈哈！（锁自己喺屋企？）要发生嘅话点锁呀？可能我倒垃圾，见到个垃圾婆呢！”不过，他谓豹嫂为防止“小三”出现，想了一个破解方法：“佢契咗个契仔呀！佢觉得搞点咗。”

讲到他日前被拍得跟豹嫂、黄智雯及其同居男友詹文天（Anthony）一齐食饭，但离开后智雯跟男友疑似开火，豹哥说：“佢哋冇吵大镬，冇事！（催佢哋快啲结婚？）有催过，但见佢哋相处得咁愉快都OK。”

李彩华（Rain）现身电视城，出席节目《Do姐有问题》第四辑记者会，骚出小蛮腰、又大骚单边香肩，健康又性感。她笑言再遇到陈敏之和单立文，即时回想起单立文封她跟敏之做“大食死女”的往事：“我哋一齐拍《下一站彩虹》，识咗好耐，都有18、19年！大家都仍然保持到美貌，单立文系冇老过！记得当年我哋成日落Canteen食嘢，食足咁多餐，食晒Canteen啲嘢食。”问有机会返无綫拍剧？她说：“有机会都可以，觉得拍戏好好玩！”

Rain表示：“留喺香港都有3个月，等开番关就会去内地做嘢，有广告、剧集。”除了工作受疫情影响，亦令她跟老公分隔两地：“佢一直喺深圳搞公司嘢，虽然每日都会FaceTime，但冇得摸、冇得掂，开番关要掂多啲！”

讲到她日前跟黄嘉乐的摄影师女友Samantha，拍了一辑火辣性感相，她笑言是即兴影相：“想影啲Sexy、靓嘅性感相。（出写真？）谂过，但要趁未生、身材未走样前影。（有底线？）唔会露三点，唔好搞啲咁嘅嘢。”