李漫芬（Fanny）到铜锣湾为食店担任开幕司仪，老公谈成坤（Alvin）亦有到场。已怀孕26周、预产期在明年3月底的Fanny，开心宣布佗B女，问是否已为B女改名？她说：“老公未识我前已经谂过生女改咩名，谂住叫'凯岚'，不过我都谂咗个叫'在心'，想渠用心待人，会二选一。（边个赢面大啲？）应该'在心'赢面大啲，'凯岚'笔划太多，畀老师罚抄就惨！英文名冇乜头绪，应该会畀个女自己改。”Alvin则说：“好似话呢个时期BB对声音同光已经有反应，依家出门口前都会锡渠个肚，同渠讲嗲哋出门口啦！搞到依家喺屋企都唔敢乱谂嘢。” 

Fanny又指佗B后工作变多，笑言囡囡旺她：“3月底预产，但工作都预到3月头，啲人搵我话大肚婆旺，一份钱两个人、三个人到，抵喎！ （加价？）唔会，好多都系合作好耐慨朋友。”Fanny又表示已预约医院，直言恨自然分娩但又怕痛，而Alvin则表示想入产房剪脐带，但担心唔识剪可能要交由医生代劳，在旁边学剪，下一胎再剪过，放定声气恨追多个B。