张敬轩第二场红馆《HINSIDEOUT张敬轩演唱会》请得太子妃兼视后胡定欣担任嘉宾，由轩仔化身的“降两度”隆重介绍请出场：“嗰个张敬轩以为自己好巴闭，请个嘉宾（指容祖儿）！既然佢有嘉宾，我今晚都要有！不过，呢位嘉宾来头唔少，大家唔知我投身音乐界之前，系投身电视界！我系电视界做到差不多崭露头角，本身接到个好剧集，点知开波前两日，先知畀人抢咗个角色，仲要套戏依家上紧！我就要公审佢，问点解佢要抢我角色！有请我哋视后胡定欣！”
胡定欣于观众欢呼声中现身，“降两度”笑住话：“我觉得你今日好靓！平日电视睇你着咁多布，今晚做咩着咁少呀？今晚见你着古装，差啲认你唔到呀....高低眉！”胡定欣就话：“抢你风头嘛！我够喺平日见你着开西装，今晚见你着番女装，我都差啲想....呕呀......”引得观众哈哈狂笑。
“降两度”之后又“标童”上身，转换回轩仔角色，同观众介绍原来与胡定欣已经相识十多年，对方曾经为他的歌曲《馀震》担任MV女主角，属多年好友，胡定欣坦言每次轩仔开演唱会也会来捧场，但心里面都会谂不知会不会有一日，可以上台做下嘉宾，终于给她等到。
轩仔台上播出打电话邀请胡定欣做嘉宾时，两人的电话对话，轩仔话：“畀大家听下，虽然佢已经贵为视后，但系其实佢仲系一个细路女。”
电话中，胡定欣得知被邀上红馆时即开心到如中大奖一样，不停话：“哎吔，我好开心呀，我好紧张呀，我今朝先瞓呀！我好想快啲天光呀，可以快啲去解决，我系咪好低能呀？”原来胡定欣因太开心及紧张而整晚失眠，等天光就即刻致电监制请假做嘉宾。
轩仔为令观众清楚睇到胡定欣，特登升出四面大电视的升降台，他说：“今晚史上第一次直播《深宫计》！哈哈，讲笑啫，我落返去畀个台视后啦。”但升降台却未下降，令轩仔无路可逃，胡定欣即时“太子妃”上身，:“睇路呀...妹妹！深宫条路唔系你想像中咁易行架，最紧要系无悔无愧！”继而定欣就为观众献唱电视剧主题曲《无悔无愧》。
第二晚捧场的圈中人有周慧敏、叶德娴、黎小田、汤宝如、胡蓓蔚、李施嬅、泳儿、锺舒漫及卫诗雅等。
周慧敏
泳儿（左起）、轩仔、锺舒漫及卫诗雅
点击阅读全文看胡定欣献唱
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
