艺人萧正楠同女友黄翠如不时传出婚讯，但都系“只听楼梯响，不见人下来！”而呢日萧正楠大胆晒咗张床照，相中人唔系翠如，佢仲留言话“左拥右抱”添！

见到张相床上有四个人，萧正楠个样仲嚣爆，左揽一个右抱一个，原来佢哋就系一班“公公”！早前萧正楠就孖住曹永廉、黄浩然及黎耀祥出发到泰国布吉拍摄旅游节目《公公出埠》，佢哋之前已经率先一齐半裸浸水，呢次仲玩埋大被同眠，仲要4个“公公”共享一张床，真系好HeHe，不过佢哋今次有着浴袍嘅！而唔少网民焦点落喺曹永廉嘅抵死表情上，笑言想打佢，又叫佢哋度蜜月快乐，仲话《公公出埠》变咗《公公出柜》，非常搞笑！

点阅读原文