藝人郭可盈同老公林文龍向來恩愛，呢日係佢哋結婚15周年，可盈大讚向來不懂浪漫嘅老公亦有表示，就係送咗一紮好靚嘅花畀佢，而女兒都好有心思寫咗張心意卡畀爸爸媽媽，難怪可盈咁開心，並留言：「一個『不懂浪漫的男人』今天令我倍感浪漫！謝謝女兒為我們送上的暖暖的祝福！15th Wedding Anniversary」好多網民大讚文龍好sweet，話結咗婚咁多年佢仲有呢份心思真難得，仲話有囡囡同老公喺身邊，相信可盈覺得係最幸福嘅事呀!