33岁 暖男王浩信  (Vincent) 因《不懂撒娇的女人》中扮演Saving冧爆全城女观眾，更被封為「暖男」，其实Vincent加入TVB九年，亦演过不少经典角色，他接受本刊访问大谈事业发展、生意投资，又分享自己是何类型的丈夫及父亲，提到会否和太太陈自瑶追多个BB，王浩信重覆三次说：「我好想！我好想！我好想！」唔好想喇！坐言起行啦！

工作不断  暖男王浩信  未买到楼

《楼奴》(2015年)开始，愈做愈好，暖男王浩信 也自觉顺利和幸运，因為做到好多挑战性嘅角色而观眾又接受，因為演员系冇得拣角色，他也希望每个角色有深度，问到几时捱出头可以买到楼？王浩信说：「仲未㗎，我都未买到楼，呢个最基本嘅野都未达到，距离目标仲有好长嘅一段距离，但的确依家比以前嘅状态系安心好多，亦都令到屋企人安心好多，所以继续努力啦，同我梦想嘅野系接近嘅，但我嘅梦想唔系用钱去衡量，譬如我依家多左一啲同时装有关嘅野(指服装投资)、可能嚟紧又会有饮食有关嘅野，都系实践紧一啲自己好钟意嘅野，作為一个八十后，我都要继续畀心机。」

一年得三日假期

一剧接一剧，外表看似好fit、好精神，但其实唔够瞓：「成日都唔够㗎，所以我拍左呢三套《不懂撒娇的女人》、《踩过界》同《塘心风暴3》之后，我同公司讲真系要抖一抖，其实我系一年冇停过，呢一年加埋嘅假期得三日，但嗰三日都要準备第二日嘅剧本，所以都唔算真系放假。最辛苦系上年岩岩撞完车，拍《不懂撒娇》，夜晚三点鐘，本身个人可能有六十几％嘅电，突然变到得番十几个％，drop得好紧要。《踩过界》又系好甘，系我拍咁耐戏以嚟，戏份最多嘅一套，一集起码有廿几场、羊都关我事，要好识得去handle点去避重就轻，因為体能真系有限，嗰时每日差唔多工作二十个鐘，拍到后段有啲情绪好崩坏嘅戏，我做完一下，已经冇力再做第二下，有一、两场我同监製讲：『我真系太攰，你畀我抖一日，我再嚟啦！再嚟多take会好啲。』去到《塘心3》已经唧都唧唔出、个人系平静，所以我同公司讲要抖番个零、两个月，充实下自己又好，但我其实几难停，好似我知道呢几日有假期，我又会想pick up番跳舞、上下唱歌堂，又想报下啲演戏班，外国有啲清除你唔好演戏习惯嘅班，我都想去上。」

口说休息，却依然马不停蹄接活动赚外快，「托赖暑假都好多野做，我唔会畀自己喺job呢方面停。」

向来不介意為剧集裸露，「除埋呢套(剧)唔除勒，观眾都睇到唔想睇，太腻唔好！」

為演好盲侠 事前做足功课

收到《踩过界》个剧本，王浩信话好兴奋，而且事前做左好多功去演盲侠：「兴奋！因為so far拍过最有挑战性，又系林志华监製，佢同我都好多部合作，佢不断挑战紧我条界，我觉得难在佢将两个几难处理嘅身份摆埋一齐，一个系残障人士，另外系大律师，一个正常人要考到大律师执照其实系好难，仲要系盲嘅人，点睇案例？点获得法律知识？其实系好难，最开头安排去盲人中心练习，练习点去用白杖、用耳朵去感受生活要面对嘅事情，譬如煮饭、切餸、睇书、点用iPhone 、过马路点听行人过路灯⋯⋯呢个角色有趣嘅地方就系一个盲人点判辩是非同帮弱势社群争取公义，我觉得呢个题材系非常之有趣，除左盲，仲有法律方面，睇关於法律嘅戏、睇律师点上court打官司嘅知识去做準备。」而為事业，王浩信唔介意北上工作。

做歌手圆梦

歌手出身的王浩信在《不懂撒娇》中拎结他自弹自唱，到底唱歌系咪佢未完成嘅心愿？王说：「可以话系，可以话唔系。其实喺工作层面上，我系应该畀观眾认定我一个身份先，我觉得我主导自己喺演艺事业，的确以演员身份去行先，但唱歌我的确系好钟意，当然好开心不断有主题曲唱，而且旋律都好正，所以系咪要将音乐变成其中一部分事业，我又觉得未必一定要，但有又好开心，所以我唔识好肯定咁答。」

為太太送惊喜

有报道指他同太太陈自瑶「分居」将军澳，王返维景湾畔，但家住日出康城，到底是否有两头住家？「梗系唔系啦，维景湾畔系我阿妈嘅，但亦都岩岩卖左勒，所以有啲野我要帮佢处理，因為佢住南区，我住将军澳，梗系我搞啦！(有冇靚女埋身？)我冇喎，真系冇！讲真，我几自闭，收工我就返屋企，平时出去嚟嚟去去去得一个地方、永远都同嗰一个朋友，我嘅生活就系咁，我除左工作，系唔会遇到一啲异性，譬如我去做骚，台下有观眾，但唔会同佢的建立啲羊㗎嘛，所以我身边唔会有呢啲机会。」问到有冇惊喜畀老婆？王浩信话：「尽量，过时过节都会喺屋企，希望create唔同嘅scene，或者送唔同类型嘅礼物，可能系自己煮餸或者真系买一啲野，因為我依家喺屋企要氹嘅女人唔止一个，我阿妈、我个女、太太，仲有我姐姐(外佣)同隻狗都系女嚟。」

太太陈自瑶保养得宜，度假时会放泳衣相上网，「佢钟意啦，依家呢个年代大家后生仔，个个都钟意玩下Ig 、玩下微博㗎啦，呢个唔系我去控制㗎嘛！」

為5岁女添个伴 王浩信：我好想！

女女靖乔依家5岁，问到他是什麼类型的爸爸？会否為追个BB？王浩信笑说：「我好想！我好想！我好想！讲完。哈哈！我慢慢发觉我系羊类型嘅爹的，就系纵萝，哈！我觉得我依家个心灵都仲有好大个小朋友喺入面，我同阿女好多沟通系好level、唔大距离嘅，所以有好多佢需要嘅野，我亦都好明白佢点解需要，切身处地，如果我系一个小朋友问父母要一样野，我都好想佢畀我，我希望尽量令到佢开心，我明白好多父母一冇时间陪，就买野，我知道呢个系唔好，我亦唔算成日咁做，我可以做嘅系唔使开工就陪多啲佢。」他又说：「呢一年我的确少左时间花喺屋企，所以我未系好qualify去答呢条问题。因為呢一年，我返屋企嘅时间系相当之少，呢样野我系做得唔够好，希望我屋企人体谅。我諗嚟紧可能花啲时间去旅行，又趁住暑假，阿女依家大个、懂性、享受到假期，希望可以同佢的一齐去旅行。」