刘德华监制、黄国强（KK）执导、吴镇宇、张孝全、廖启智同潘灿良主演迷你剧《东方华尔街》，将于今晚（24号）喺卫视电影台首播。今次系美国福斯传媒集团（FOX）进军香港剧打头阵之作，每集制作达100万美金（约港币800万）。

《东方华尔街》以亚洲金融市场为题材，只有五集，但剧情横跨二十年，牵涉政府和金融体系。剧集原名《香港华尔街》，但故事背景唔系香港，而系「高云城」（向Gotham「致敬」？）故事讲发展局副局长叶抱一（吴镇宇饰）与「三大巨鳄」——地产商文启山（张武孝饰）、建材商霍坚（张雷饰）及传媒机构老板张融（罗家英饰）官商「合作」，操纵市场，从中获利。为咗搵更多，仲安排畏罪潜逃嘅金融奇才韦航（张孝全饰）回嚟，一齐食大茶饭。

吴镇宇同张孝全本来系地下金融精英队伍「CASH」嘅亲密战友，亦师亦友；两人联同队友卓意宁（谭耀文饰）、Pamela（张可颐饰）一起击退金融大鳄，阻止庄家造市，但镇宇却出卖CASH，令张孝全失望之极，仲同陈家乐、蔡洁、潘灿良等另组新一批「CASH」，对抗镇宇……

（微剧透，可翻过这段）

首集一开始，镇宇喺议会接受质询，镜头一转就交代张孝全喺缅甸点样用佢嘅方法手段救市，然后就跳咗去镇宇搵番已关系决裂嘅昔日战友兼徒弟张孝全返嚟高云城，一齐设局，引张雷同张武孝入局，呃佢哋资金！

张孝全表面上不计前嫌，但系实际上系借力打力——利用张雷同张武孝嚟打击镇宇。此时交代番十年前白武士CASH决裂经过，最后仲令张孝全同张可颐一段姊弟恋告终。

机关算尽嘅镇宇，对自己徒弟同战友既不手软，对身边人更甚，包括拉上司梁健平落马，再取得财务部首长廖启智信任，令自己嘅仕途更上一层楼。

话分两头，另一边厢嘅陈家乐，为咗阻止兴建数码金融城而发动抗争，最后警方出动催泪弹，镇宇借意到现场，劝大家唔应该用抗争方面解决问题，企图收卖人心，最后张孝全伺机暗中拉陇陈家乐，加入佢哋嘅新CASH。

正如监制刘德华喺噚日嘅发布会咁讲：「其实嗰5集都会好紧凑嘅，因为5集讲咗20年嘅金融风暴，所以平均一集讲咗四年嘅嘢，大家千祈唔好miss。」成个故事嘅节奏真系好快，因为故事涉及金融市场黑幕，如果唔熟悉股市运作，最初未必太理解，不过睇到中段就会Pick up到，甚至觉得人物造型有啲似曾相识嘅感觉，某程度好近似当年《选战》——温馨提示，《东方华尔街》系由《选战》导演黄国强（KK）执导。

刘德华向来参与电影较多，点解今次会对剧集有兴趣？「因为我是拍电视剧出身，而家剧集制作质素愈来愈高，所以我一定会拍番剧集，看看将来如何安排。制组搵到桂纶镁演出，我没有落嘴头的，纯粹用剧本打动她，事实上她的角色写得好好，好到我都想演。」

☞转载授权微信：lama129

☞ 商务QQ：1900556960