话说今个月19号就係无线的台庆

按照国际惯例都要请翻

几粒大名星翻嚟撑下场面的

但係依家的TVB剧集收视低迷

台庆都少咗好多人睇

小生花旦齐集的画面已经好难再有

虽然TVB已经无咗当初的辉煌

但应该烂船都有三斤钉啊

点知依家TVB居然穷到

要CUT视帝罗嘉良的budget！

就因为唔想比机票钱

居然同罗嘉良讲：“你唔洗返嚟啦！”

到底係咩回事呢？

话说罗嘉良其实都翻咗内地拍戏好多年噶啦

对上一套帮TVB拍的戏

係《与谍同谋》

虽然海报就摆佢喺中间啊

但其实喺戏里面完全就变咗郑俊弘的衬托

后来依部戏的收视同口碑都係麻麻地

而且好多观众都话佢个样残咗好多

再都唔係以前的罗嘉良了

（咁人都係会老噶啦）

但点都好啦，既然今年罗嘉良有戏出

又咁有江湖地位

TVB倾台庆夜嘉宾名单的时候

周刊报道指会上有唔少人都提出邀请罗嘉良

仲捻咗唔少环节俾佢做的

例如分享下他在无线的日子啦

致敬环节啦、玩游戏啦咁

仲讲好咗话愿意支付佢的返港机票

以及酒店住宿的钱

都叫係诚邀罗嘉良回巢参加台庆

咁罗嘉良见到TVB咁诚恳的邀请

而自己当年都係TVB出身的

就应承咗依个台庆邀请

捻住改下计划行程都要翻嚟参加台庆

事关，原来罗嘉良的计划係月中

要去多伦多同仔仔庆祝18岁的生日

为咗返嚟参加台庆

罗嘉良同仔仔商量好之后

已经开始着手改行程，改签机票啦

点知改完到差唔多之后再通知TVB

TVB居然同佢讲：“你唔洗返嚟啦！”

咁突然就话唔洗人地翻嚟

TVB向罗嘉良比出的解析就係唔够budget！

因为初初只係准备咗

佢係横店飞返嚟的机酒钱

无预计到多伦多机票改签的钱

突然多咗万几蚊之后

就干脆叫罗嘉良唔洗返嚟了！

比人咁样对待，罗嘉良梗係觉得心寒啦

佢仲话：“依家的无线令我觉得好陌生

如果喺以前，依啲事绝对唔会发生

好唔明白点解我成长的公司会变成咁”

其实罗嘉良作为三届视帝

又係TVB的老演员，咁高地位

无线就因为几万蚊机酒钱而

叫人地唔洗返嚟，又真係几讲唔过去

甚至罗嘉良自己都补充话

“几万蚊机票遮，我自己比都唔係唔得”

但依家係无线直接叫佢唔洗返嚟....

对此无线助理总经理余咏珊就解析话

“只係时间就唔到。”

当媒体再追问係咪因为预算的问题

而取消邀请罗嘉良的时候

佢先话：“唔係的，其中应该係有啲唔会

无论係咩情况

我都想当面向嘉良哥先赔个不是”

仲话无论点都好，依然希望邀请翻

罗嘉良返嚟参加台庆

对于依个解析，小编只想表示...

依家TVB咁乱

嚟紧11月19号的台庆

你仲会唔会睇呢？