唐詩詠出席專營澳門行線的船公司貴賓室開幕禮，身穿火紅高衩裙的詩詠大騷長腿，她表示小時候會跟屋企去澳門賭場玩，特別覺得新年去份外有氣氛。問到可會同男友洪永城一齊去澳門旅遊？詩詠就話：「都想去，依家啲船可以運埋架單車過去，之前一直好想去台灣踩單車環島，依家可以玩住澳門環島先。（一齊去？）佢鍾意跑步，都可以叫埋佢，多啲人去開心啲，可以叫埋《鐵馬戰車》啲朋友一齊去。（叫埋蔡思貝？）都好，唔好拉筋去踩單車啦。」問到見到洪永城和蔡思貝的跑步緋聞可會覺得生氣？詩詠大方話只是正常的運動，話寫蔡思貝太負面就不太好：「始終都係女仔嚟，下次同佢一齊去，去澳門踩單車。」
情人節交畀男友

Plan講到下星期便是農曆新年，詩詠表示新年未必有時間去玩，可能情人節會比較得閒，問到情人節應該是二人世界，她即恍然大悟：「去踩單車係咪好唔浪漫啊，不過情人節都唔係我諗嘅，我係畀個Plan佢帶我過澳門，可以一齊食餐飯，同埋嗰日都要做嘢，可以前後慶祝，同埋我都未收到邀請。（咁你自己預備咗啲咩？）其實我未諗。」問到是否第一年一齊過情人節，詩詠就變得支支吾吾，後來又話會自己同對方再解釋。