由张卫健回巢孭飞嘅TVB剧《大帅哥》，有传原来安排做台庆剧但临时被抽飞，又有传因为剧中演员形象问题已被雪，谣言满天飞。不过呢日有份参演嘅艺人洪永城（Tony），就率先爆料指《大帅哥》终于“重见天日”啦！佢喺社交网上载一张剧照，仲代入剧中角色嘅身份公布呢个喜讯，佢留言提到：“马炭：‘大哥呀，究竟几时播呀？出边（面）好多谣言啊，又话呢样又话嗰样……’ 大帅哥：‘嘈嘈嘈唔好嘈，其他人道听途说，你就要跟佢哋嘅咩？！后生仔唔使急，好嘢系值得等待，准备好12月见啦。’”消息一出，网友即反应热烈，纷纷表示期待剧集出街。