今日系艺人萧正楠40岁生日，早前东网有提及因为佢就快40岁而想提早同女友黄翠如结婚，仲谂住玩“瞒婚”添，嗰头讲完，呢头佢就40岁啦！

咁重要嘅日子，翠如BB就喺IG甫相，见到Edwin拎住个蛋糕，佢仲话：“我想送他一份大礼物”呜哗！会系啲咩呢？隔咗阵佢就开蛊啦，冇错！翠如嘅大礼就系4个女人，佢话：“所以我送他一点艳福，给他四位宫中佳丽。”好大方喎，不过网民就笑佢话呷醋。

而好兄弟曹永廉都有甫相祝萧正楠生日快乐，佢仲叫阿萧要听话，送咗7个“唔好”畀对方：“唔好咁口臭，唔好发脾气，唔好咁孤寒，唔好咁样衰，唔好早收工，唔好瞓咁多，唔好.........”而最后一个“唔好”系咪叫佢唔好唔爱自己呢？而翠如BB都留言话曹永廉太爱佢，唔通又系呷醋？

不过Edwin喺呢个大日子仲要做嘢啦，而佢最大心愿就系想快啲收工，网民都希望佢愿望成真，同叫佢快啲成家立室呀！

商务合作QQ/微信：24502371(注明合作)

剧集客服微信：sys0469114