西门庆专业户变熊树仁 单立文拍《爱·回家》入屋做番正常人？
本文转自网络 不代表本号观点
90后小编成日翻睇周星驰电影，第一次见到单立文（豹哥）呢个人系喺电影《赌侠》入面饰演与刘德华、周星驰敌对嘅大奸角。当时都只系知道佢叫“侯赛因”，当年嘅佢蓄长头发，扎住马尾，轮廓深邃，靓仔到令人眼前一亮。佢散发住一阵放荡不羁嘅Bad Boy味道，奸到出汁嘅笑容，就好似佢永远对住你笑咁，笑到你心都寒埋。
“想偷我鸡？”(电影《赌侠》截图)
全盛时期嘅豹哥同金城武同框都一样咁耀眼。(电影《沉默的姑娘》截图)
不过又有边个估到呢个形象竟然近年嚟个大逆转，2013年豹哥喺《熟男有惑》入面Cosplay侯赛因。识得笑，其实好好笑。
《熟男有惑》
呢个变化，连豹哥本人都觉得惊奇：“呢个角色已经唔再乞人憎、唔再可怕，而系变咗可爱嘅角色。”不过佢同时觉得有啲欷歔，认为系电影业嘅衰退，再创造唔出一啲经典嘅角色。
不过豹哥最经典嘅代表作莫过于7次出演西门庆，佢自己就话好欣赏西门庆嘅自我，唔抑压、想做乜就做乜。现实中嘅佢喺低潮期都有过一排颓靡嘅生活，打麻雀，去好多Rave Party，觉得大有大使、细有细使：“嗰时都几开心，放纵吓自己、放松吓自己，唔做嘢住、沉淀吓。”不过豹哥坦言7演西门庆后都怕被定形：“依家无人话‘呢个西门庆、咸湿佬！’，喺光与影嘅电影、电视平台，系足以令到你之前嘅角色褪色，而新一个形象显现，呢样系好神奇！”
（单立文IG）
（单立文IG）
以前做极都系做奸角，正正系处境剧《爱·回家之开心速递》叔公角色令到豹哥入屋“洗底”。不过对豹哥嚟讲系一个挑战：“呢个系好regular、好坚持嘅工作。每日七点起身，夜晚七、八点收厂，三百六十五日唔可以休息，睇你个人嘅纪律系keep到几犀利。抱住战战兢兢心态去探索，但拍落，濑嘢！”豹哥话自己以前系凌晨三、四点瞓，最高峰期系晏昼瞓觉、夜晚十二点起身，作息要三百六十度扭转，幸好佢依家已经习惯咗。
不过一切都系值得嘅，豹哥搞笑形容依家佢随时按任何一个单位门钟，话想嚟食饭，佢相信都会畀佢入去。仲话以前有啲小朋友惊佢，变到依家冲过嚟揽住佢。
《爱·回家之开心速递》至今已经拍咗两年有多，豹哥话赚到嘅系一班“屋企人”：“一班演员日久生情，由好陌生、大家冇乜默契，变咗真系好似一家人咁，呢下几攞命、几珍贵。”，豹哥话以前拍戏、拍剧都系三、两个月：“依家一班人日日见面，叫阿哥、大妹、细妹，叫到真嘅一样，好似家人咁关心佢哋，放假问出唔出嚟食饭、病痛嘘寒问暖，自己屋企人有时都好似无咁亲。”
---------------------------------
商务合作QQ：2063871309
剧迷QQ5群:133989729
最新最快最全：关注订阅号tvbvideo，回复：2019
（长按下图识别二维码即可轻松关注）
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
