天后容祖儿（Joey）与何韵诗日前的“世纪破冰合照”，成功掀起连番讨论，陪Joey一同前往日本的刘浩龙（师兄）就低调冇出镜。

有去定冇去？

今日师兄出席节目《星光熠熠耀保良》的拜神仪式，甫受访他先自言好紧张，因为今晚会表演跳舞，笑话今年变成了跳唱歌手，日日都练舞，又大呻好辛苦，问到日日练舞都抽到时间去日本旅行？他即大反应反问记者：“我有去日本咩？都睇到幅相话我去日本，朋友与朋友之间影相我就唔作出回应喇。”再追问是否同行到日本时，师兄紧张到开始前言不对后语，更留下“蛛丝马迹”：“冇呀！我自己同啲朋友去咋嘛！（自己同朋友去？都有去日本？）有！我同啲朋友去食饭。（圈中朋友定圈外朋友？）我喺街度撞到杨千嬅啰！（你有冇撞到Joey佢哋？）冇喎！我冇去到支持明哥（黄耀明），嗰晚我要去食饭，都系Message佢，支持佢Good Show。”

“呢份友谊好值得鼓励”

问到对“世纪破冰合照”的评价？师兄无奈话：“其实我觉得影张相好平常，喺一个开心嘅环境，大家一齐支持明哥，代表香港歌手好支持明哥，呢份友谊同支持好值得鼓励。”问到为何他又不去支持明哥？师兄就重申当晚约了朋友食饭，所以撞时间去唔到。