Leslie为庆祝《无心睡眠》卖得，有六白金，新艺宝于日前走Leslie再推出新唱片《Virgin Snow》之前，请晒电台FJ、电视台劲歌金曲所有编导、工作人员、新闻界食饭庆功，而潘源良、郑国江、林夕、陈少琪、郭小霖……等均有出现，而Leslie更同埋六姐嚟食饭，可见六姐响Leslie心目中几咁重要。

张国荣响五号推出新唱片《Virgin Snow》外，台湾亦响农历新年之后出国语大碟，香港就唔会出喇，由于学友，阿伦将分别响台湾开Concert，但Leslie就话佢八月之前都唔会响台湾开个唱，全心全意顾住香港个个唱先喎。

演唱会之前亦唔会响香港登台，只系拍电影啫，其他一切免问。

新大碟中《想你》系Leslie自己作曲外，《爱的凶手》搵得日本著名音乐人船山基纪作曲及编曲，效果当然好好，但据悉费用贵得惊人，连Leslie自己都话好贵。

你帮我，我帮你风气下，Leslie响下张碟搵咗阿Sam帮佢做新歌，而佢又应承为Kitman作曲。

Leslie目前正为个唱忙于做筹备工夫，今次Concert会跳多D舞，及尽量照顾四面观众！并打算唱中乐，所以会搵中乐团伴奏。且会好重视灯光效果，现正研究紧点令灯光有更多变化。

Leslie坚持唔开日场，佢话日场个唱犹如睇卡通片，都唔似睇正场咁款喎。

今次个唱，Leslie计划个Team搵一班新人嚟做，希望响新人士新作风下，有更多新突破和Idea呢。Leslie跟新艺城合约89年到期，续约无咁快倾，而且佢自言无乜离心，总之有工打就开心，搅生意又无兴趣，真系名副其实嘅打工仔。

而家Leslie拍咗《倩女幽魂》续集、《杀之恋》两部戏，仲欠新艺城一部。本来区丁平开部新戏想搵佢担当男主角，但系Leslie无时间接拍，故毅然推辞。