艺人郭晋安（安仔）和杨怡（阿怡）为新剧《再创世纪》到社区中心与一班长者迎接中秋，安仔称因剧集在内地播毕效应下，他中秋会返内地商演，剧中演太太的阿怡笑话：“仲乜唔带埋我呢个‘老婆’去商演？”

安仔亦妙回：“搵钱梗系‘老公’做啦。”但阿怡亦自爆刚从济南商演回来。

讲到《再》剧在内地已播完，亦已知剧情结局，可担心影响香港的收视？安仔称不担心，喜欢这套剧的人必定会继续看。说到安仔结局好惨脑中风？

他笑言：“戏入面系好惨，但现实就好好，不过就差啲畀阿怡扑傻，佢嗰次攞起以为系道具嘅木想扑我，但其实系真木，但佢就扑咗自己个头一下，任何一样嘢拎喺佢手，可就算系蕉都有危险。”

在旁阿怡就狂笑，并自爆原因：“差啲错手杀咗秦煌！”她谓当年拍《布衣神相》，她等埋位没事做，便拿着道具剑对着布景后的麻包袋乱插，插插吓期间见到麻包袋旁有一个涨了出来，原来是秦煌在瞓觉，凸了个肚腩上来，刚巧又穿麻布衫，她差一点就插了落秦煌的肚上，险酿成娱圈奇案。

另外，又讲到网民指剧中的证券交易与现实有出入？安仔称：“呢啲咁复杂嘅嘢，我都系照稿读唔敢乱加上去。多谢网民咁细心去睇，唔介意资料上嘅讯息，大家畀多啲意见嘅。”