艺人徐子珊出席内衣品牌开幕活动，以鲜红色超低胸西装造型亮相，大晒3吋事业线，撼赢同场相对较密实嘅“34D咪神”高海宁！

子珊表示最近修读心理学，啱啱放学就赶过嚟，亦因为时间太紧迫，所以着埋呢套衫返学：“不过有戴颈巾，啲同学当我怪物咁！虽然知我系artist，但未试过咁样返学，平时好casual。”

问到同学仔嘅视线系咪专注喺佢身上？佢就话冇留意：“但入到课堂佢哋‘哗’咗一声！（小鲜肉同学？）唔系，都三十几岁，女仔多。（有冇男同学追你？）冇，好多都已经系爸爸。”

尚是单身贵族嘅子珊话最近冇人追，除咗返学仲要返内地拍真人骚节目，非常之忙碌：“拍咗两日已经觉得非常之体力劳动，差啲晕！”

皆因呢个真人骚节目要两队比赛，子珊话初时队员以为佢运动叻，点知发现有佢喺度就一定输，子珊被改名为“游戏黑洞”。佢话虽然最近唔够瞓，加上要跑嚟跑去疲倦，但系酬劳唔错，而且好好玩。记者就话搵咁多系入市嘅好时机，子珊表示：“唔可以咁讲，不过酬劳系OK。”