危險警告：

此片段「柒幅射指數」達關家姐級別，前方人員請撤離！

日前唐詩詠接咗呢個 Huawei 嘅廣告，佢喺入面大跳老舞之餘，仲玩近期大熱嘅 "Freestyle Rap"。配樂方面，廣告商選用充滿「教育電視片頭」感覺的電子音樂，旋律獵奇，節拍強勁，令九龍公園一眾正揮灑汗水跳緊「炸機大媽舞」嘅阿嬸趨之若鶩。

雖然唐詩詠無 Rap 經驗，但仍然勇於嘗試，大開處女金口，表現酷似於廣州街頭靠數白欖嚟籌募學費嘅女大學生，最終效果慘不忍睹，睇到全身起雞皮，成為網民近日笑柄。（我竟然睇晒）

條片雖然柒到出煙，但廣告商咁勇出嚟認衰，喺留言度自認柒咗，仲同各位網民一齊笑，真係第一次見，原本仲想喺廣告商心口寫個「柒」字，而家應該要寫個「勇」字！條片可能為唐詩詠演藝事業帶嚟烙印，但唔緊要，下次再嚟過，Rap 方面，佢幾有 potential，睇好佢可以做港版 Nicki Minaj！

▼

PS：素材來源King Jer 娛樂台&Huawei Mobile，如有侵權請聯繫主編！