唐诗咏出席世贸中心举行的“糖雕艺术迎新禧”日饴贺新年活动，她以大露背现身，索爆全场！唐诗咏又即场跟日本最年轻的“糖艺大师”手冢新理制作糖艺，新鸿基地产代理租务部总经理锺秀莲小姐亦有出席。

希望旧爱崔建邦开心

问到唐诗咏有关前男友崔建邦与模特儿女友陈嘉莉分手一事，唐诗咏表示：“有睇报道，但唔知实质咩事，始终系佢哋两人之间嘅事，外人再加评论会对两人都有伤害，由佢哋自己慢慢去解决。（传男方有第三者？）就系大家都唔知咩事，所以唔应该作任何揣测，感情事始终佢哋自己最清楚，我觉得佢哋自己知道就够。”问到有否跟崔建邦联络，她表示：“都间中有，大家系朋友，但佢冇提及，自己都唔会主动问。（你同佢一齐时有否遇到这些情况？）以前唔讲喇，最紧要之后开心嘛，都希望佢都开心。”
获封“中国好女友”

另外，有网民封她为“中国好女友”，她表示：“好多谢畀呢个称号我，其实好多圈中女仔都好好。（你够长情、忍耐？）唔好用忍耐，每段拍拖关系都希望直到永远，我用呢样为目标去拍拖。我比较固执和坚持，唔好遇到少少问题就嗌分手，所有事都可以解决。（底线咩？）睇情况，拍拖最紧要大家目标一致。（同洪永城目标一致？）好长远喎，暂时唔知，但会向呢个目标。”