關心妍(Jade)今日到商台接受訪問，講到下個月16號會為慈善基金舉行籌款晚宴，佢話 ：「最近幾個月都係忙緊籌備，好開心我負責嗰三十張枱終於全部賣出，不過基金仲未籌得目標善款，希望到時喺晚宴上拍賣嘅籌款，可以達成目標金額。」

Jade透露基金目標希望籌得三至四百萬，用作開設新嘅輔導中心，幫助情緒有問題同埋有自殺傾向嘅人，佢話：「訪問過程入面都帶咗新Ideas俾我，傳統拍賣都係鑽石、畫同紅酒，但原來都有好多人希望拍賣藝人時間，例如陪行山、行街、煮飯。」問到有啲咩覺得自己可以拍賣？佢話：「我諗煮飯啦、焗蛋糕啦，或者一次過湊三個小朋友都可以嘅。」

其實搞咁多嘢目標都係希望基金能夠籌得目標善款，Jade亦特別多謝藝人朋友好幫手，有出錢有出力，佢話：「明白晚宴就係聖誕前一星期舉行，呢個時候好多藝人有好多工作，但佢哋都用唔同嘅方法嚟幫我。」

2017.11.11壹週plus 有囡囡好感恩 關心妍：再生睇上帝安排

關心妍囡囡心心目前歲幾，其實由佗B開始，她已經沒甚麼在幕前工作，全心全意照顧家庭。被問到忙完慈善晚宴之後，會不會想生多個小朋友或者出新碟，她說：「其實我無特別打算生多個，因為覺得求了那麼久，上帝終於賜了一個給我已經好感恩，再多個就真是要看上帝安排。」

她反而想培育小朋友，表示：「將來除唱歌之外， 我反而想有一個小朋友教育中心，因為小朋友真是好重要，要細細個培育他們，不是他們有多少才能，而是培育他們的免疫能力，在他們的人生路上，將會遇到一些挫折，其實要好細個就去培育。」

這兩個月忙於籌備慈善晚宴，關心妍感謝囡囡和老公的體諒。

「我盡量早上陪囡囡上學後，才去工作。我同囡囡講，媽媽真是要去做些事幫其他人，希望你明白，我跟她說時，她點頭應承，過了這個籌款晚宴之後，聖誕會陪她多點。」她說。

揀鑽飾義賣 

關心妍望開音樂治療中心

嘩，好閃喎！別以為關心妍（Jade）自己買鑽飾，她是揀鑽飾在12月的慈善晚宴義賣。由搵贊助商到嘉賓，阿Jade一腳踢，碌盡人情卡，其實她的妍亮生命慈善基金已經成立三年，咁辛苦無非想幫有情緒病的年輕人

「近期見到社會好多不幸事件，好多悲劇，決定同另一機構『全康澄心』一齊搞《妍亮生命重新站起來》慈善晚宴。我們希望可以籌款去開服務中心，去幫助他們，得到免費治療及輔導。」她說。

今次活動，阿Jade同老公出錢出力，到時她會上台之外，更會請多20個天使援手，搵20個朋友報名捐錢參與表演，希望整晚籌到三、四百萬成立音樂治療中心。

「我們希望除輔導中心之外，可以開一個音樂治療中心，我自己都希望可以在裡面去幫去教。」阿Jade表示。

在短短兩個月籌備慈善晚宴，阿Jade話好在老公幫手，笑說：「我好感恩，老公都好支持，大家去了解怎樣去輔導人，幫助人，老公亦都幫手籌備很多東西，因為其實兼顧好多東西，你見到這部分是拍賣、賣枱，逐個朋友打電話去幫我拍片啦，叫藝人朋友支持啦，當晚節目內容是甚麼，全部都要一手一腳去做，而且現在要湊囡囡，要帶囡囡返學，所以時間差不多用盡，但我覺得幾辛苦都值得。」