容祖儿凌晨贴文讲刘浩龙：感情不变最重要 你快乐 所以我快乐

刘浩龙寻晚就啱啱开完演唱会，作为前度嘅容祖儿不避嫌撑场，睇足全场之余亦非常投入，从祖儿嘅态度嚟睇，唔少人都会怀疑佢哋藕断丝莲！祖儿凌晨喺社交网就发咗张刘浩龙赤裸上身嘅黑白照，除咗睇到刘浩龙好大只一身肌肉之外，唔通祖儿系想借呢张相宣布佢哋未分手？

睇埋祖儿嘅发文，附图系一张刘浩龙半裸照——喺后台准备出场。原来佢系解构番佢哋嘅感情路同埋依家嘅关系，祖儿话系缘分令到佢哋聚埋一齐，两个人互相影响、支持同学习，虽然刘浩龙个样有啲招积，但系个人好真心同忠诚，不过人大咗明白感情有不同嘅层次，最紧要系感情不变，仲话「你快乐所以我快乐」。

文中仲有帮刘浩龙喺演出时失准讲番句好说话，表示人总不能完美，知道佢已经尽咗力，偶有失手希望大家高抬贵手，仲赞刘浩龙系值得更多掌声嘅。

廖碧儿曾称男友单身 Calvin被指仍未与泰籍女分手 

39岁廖碧儿（Bernice）3月被曝与男友卢启贤（Calvin）蜜游芬兰，当时有报道指Calvin认识廖碧儿嘅时候，身边已经有一个泰籍女友Nina，不过Bernice出席活动承认新恋情之余，亦否认自己系第三者，仲话男友系单身。

今有爆料指，Calvin与Nina拍咗拖7年，双方从未分手，身边朋友亦形容廖碧儿系第三者，爆料人表示：「Nina一直都系正印，佢同Calvin感情好好，Calvin亦啱啱先陪Nina去完泰国，佢哋两家人都好close，所以唔明点解廖碧儿会讲自己系Calvin女朋友。」

爆料人又称Nina有向Calvin了解：「唔知Calvin讲咗乜啦，Nina都信佢。」爆料人又话：「Nina系泰国华侨，佢屋企好低调，但为咗呢单新闻，屋企人都觉得好烦，Calvin都唔想好似俾人起晒家底咁。」双方家庭对近日嘅感情新闻感到烦恼，怕令Calvin形象转差，黄小姐又指日前兰桂坊party的相片，都系Calvin嘅同事。

爆料人亦透露身边有朋友见过廖碧儿，不过Calvin同佢只可以话系close嘅朋友：「唔会无端端问人知唔知Calvin有女朋友，但咁多新闻出咗，佢点会唔知？总之一班朋友都系想帮Calvin同Nina，唔想佢哋生活受影响，又成日俾人跟。」

Cheronna＠SG单飞背后暗藏「阴谋」！

组合Super Girls成员Cheronna最近推出首支个人跳唱单曲《把持》，成为五女中首个在音乐上单飞的成员，问到其他队员知道她单飞有何反应？她笑言：「佢哋都期待，最期待系想睇我同男dancer点样跳啫。」问到她们会否眼红她可以自己出歌？她坦言：「我觉得唔会嘅，因为佢哋有各自各想做嘅嘢，佢哋都有机会去做，只系我拣咗唱歌，相信如果佢哋都想喺唱歌方面嘅话一定得。（依家你哋个个都有个人发展，惊唔惊畀外界觉得逐步似分开发展？）我唔会担心我哋个group会分开发展，因为我好清楚我哋最根嘅都系SG，出面嘅观众有机会睇到我哋各自各唔同方面发展，唔同领域可以见到我哋做到嘅嘢系一件好事，而我哋聚集一齐又系一股力量。」而问到一个人唱晒整首歌可会有压力？她笑言：「我系好惊呀！我真系好担心，以前跳舞有佢哋4个傍住系好好多，好记得之前我一个人做骚，冇咗啲姊妹我好紧张，所以我觉得今次系考验同挑战，不过有个好处就系我甩step（舞步）冇人知，哈哈。」

自认系「外貌协会」！方力申拣女唔理有冇钱

艺人方力申（小方）出席慈善晚宴，表示会唱一首歌，而父母亦有到场，但细佬因工作忙而未能到场。他谓父母坐近台前：「所以唱歌时最近系对住佢哋，我都好耐冇唱歌，今次唱番都几特别，以前会多啲商演，但近年就少啲。」他亦谓现时多参与慈善活动，希望可以来取经，笑言：「想识多啲总理、有钱人。（想识番个有钱女？）冇谂，我系『外貌协会』，同埋唔会睇对方嘅背景。」

小方又表示5月份会开游泳学校，荣升校长：「呢个系我入行以来第一个生意，希望可以反馈社会，唔系谂住赚大钱，因为身边成日好多人叫我介绍人教小朋友游水，与其畀人赚钱不如自己赚，又可以推广游水，培育精英，帮下啲低收入家庭，同埋做老板收钱好唔型。」不过他利申自己只是在旁的临时教练：「学游水要持之以恒，如果我要拍戏就好难教得识，但我都有去考嗰初级教练牌。」方力申讲笑话之后希望可以被叫「方校长」：「其实爸爸、妈妈都系做老师，可能全家都有做老师嘅DNA。」

冇得同男友纏綿！雷莊