36歲關心妍（Jade）前日為老公楊長智誕下小公主楊榮心（Jovia），母女平安，小公主眼型好長，應該係大眼好，佢打呵欠時仲擘到嘴仔好大，O型嘴好可愛。

初為人母嘅Jade今日接受訪問，佢好開心話：「BB中文名叫楊榮心，我哋跟族譜改，因為榮字，代表榮耀同有神嘅心，所以叫楊榮心，英文名大家都想用番J字，所以叫Jovia，代表joyful、開心，希望佢係一個喜樂bb，佢出世6磅6，身長48cm，大約19吋左右，生產過程我係剖腹產女，一切都ok，之後有少少痛，都頂到，比我想像中冇咁痛。」

Jade話老公楊長智有陪佢入產房：「我諗住佢會唔會好緊張，因為佢係緊張大師，都驚佢入到產房手忙腳亂，佢只係攞部電話入去影相同拍video，點知佢出嚟嘅時候異常冷靜，我真係要頒個獎畀佢，冇諗過佢係可以咁冷靜，仲可以剪埋臍帶，雖然我瞓咗喺度，但感筧有少少流淚，呢個時候感覺好touching。」

【on.cc東網專訊】歌手關心妍（Jade）星期六晚宣布誕下囡囡楊榮心（Jovia），她表示囡囡的中文名是跟族譜改：「因為族譜係用榮字，想佢有榮耀神嘅心，所以叫榮心，英文名想有番J字，就叫Jovia，代表開心，joyful，成日都喜樂嘅，希望佢係一個喜樂嘅BB！」

讚老公勇敢

Jade又指自己是剖腹產女，囡囡出世時有6磅6，長48cm，約19吋左右，她說：「一切OK，係之後有小小痛，但都頂到嘅，比我想像中冇咁痛。同埋老公有陪我入產房，開頭以為佢會好緊張，因為佢係緊張大師，入到去驚佢手忙腳亂，淨係攞咗電話入去影相拍片，點知出嚟時佢異常冷靜，我真係要頒個獎畀佢，冇諗過佢咁冷靜，仲好勇敢咁剪埋臍帶，嗰刻好感動，雖然我瞓咗喺度，但感覺有小小想流淚，呢個moment好touching！」

餵母乳Amazing

講到餵母乳，Jade就話初乳很重要，自己亦問了很多朋友意見，所以決定會餵全母乳：「但我依家開頭得好少初乳，所以一日餵嘅時間比較頻密，可能要十至十二次，好彩我之前有去上堂，一埋手就好OK，BB又好乖，識搵食，大家好容易配合到，暫時呢個moment都非常好，佢都食咗好多，餵母乳嘅感覺好amazing！」

B女個樣成日變

Jade表示要感謝大家的祝福，並謂希望盡快能帶囡囡與大家見面：「睇你哋覺得佢似爹哋定媽咪，因為佢一出世嘅時候似我多啲嘅，但過咗一、兩日，佢依家就好似爹哋，佢好多頭髮，我諗佢係最快嘅BB要去剪頭髮！多謝大家祝福，希望BB身體健康！」而從照片所見，Jovia的眼睛長長咁，相信將來必定擁有一雙大眼睛！