方丈喺剧集节目植入广告增加财源，其实亦无可厚非，但去到一个点，就连剧集街景入左镜嘅招牌甚至车身广告都要blur，就好似尽左啲，令观众以为视力突然出现问题……点知原来连眼镜框上面一个小小logo，都唔出得街，除非俾钱落广告。
罗嘉良继09年拍毕大台剧《富贵门》之后，最近再为大台拍剧。今日有周刊报道谓捞家为新剧准备了不少私伙，由西装领汰眼镜到运动装都有，一丝不苟力求完美。但日前拍跑步外景时，因为捞家套运动装令人联想到品牌名字，导演要求更换，要捞家著番公司提供嘅衫……其实件外套嘅条纹都系design而已，「引起联想」从而「有卖广告之嫌所以要换衫」，要求果真严格。
今晚捞家到铜锣湾出席新城嘅《开心大派对》晚宴时直认此事，佢话:「系呀，依家严紧啲，唔可以联想起其他牌子。我有副眼镜，见到好细logo都唔得，导演要求我换，我即刻配过晒冇logo冇字嘅框，好多谢眼镜舖肯帮我换过晒。」咁咪嘥晒之前嘅心机？「唔紧要啦，系我自己唔知啫。7年前拍嗰阵都冇话唔得，依家就真系唔可以有logo。依家知，会买番啲岩用。」其实捞家唔记得左，当年套《富贵门》，广告植入如乜乜银行、车行、餐厅，多不胜数而且都几突兀0架。
捞家话佢都系刚收工赶过嚟，笑言依家暂时都只系拍外景，未拍厂景，暂时都习惯。但方中信话拍完今次之后唔敢再拍喎，捞家笑道:「咁严重？等我问下佢先。我觉得都OK。休息时间都有同监製倾过，而且呢套剧好多条线，应该唔会太辛苦。以前拍嘅方式系几辛苦嘅。」
捞家话今次返嚟都OK，亦冇请助理，乜野都自己搞掂。套剧拍到五月底，原定系五月中，因为厂期迟左，所以顺延。拍完之后捞家会返北京陪太太，嚟紧仲有几套剧倾紧。「四月都会请几日假返北京陪个女，因为个女生日。依家个女识得用筷子食麵，有讲好挂住我，但要工作冇办法，好彩依家科技先进，可以用视频。」
个女咁快就识玩？捞家笑言:「未够两岁已识用，send好多图俾我，次次发十几廿张相，仲会问:『爸爸，你辛苦吗？』见到都心甜。」
09年《富贵门》广告植入事件…
摄影:仇志德
捞家真系好受欢迎!
09年《富贵门》，呢间银行老是常出现。
硬销一种
另一角度，惟恐观众错过。
餐厅都要卖广告。演员细细粒，招牌大大个。
惊大家入到去唔知嗌羊食好…但「蛋奶酥」系？梳乎厘呀唔该！呢度系香港呀！
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
