预产期6月　叶翠翠佗B照踩4吋高踭鞋

该新闻包含视频，即将在公众号tvbvideo推送，敬请关注！！

艺人叶翠翠自宣布怀有第二胎后，首度出席公开活动。她脚踏4吋高跟鞋，身穿吊带露膊春装以靓妈形象示人。问到着4吋高踭鞋有否征得老公同意？她说：“佢车我嚟㗎㖞，唔怕嘅！我有咗4个月，预产期系6月，择日开刀，已经Book咗医院，但边日就唔讲住！”

老公恨生仔

翠翠怀上第二胎，虽然并非新手妈妈，但她说：“佗第二胎辛苦啲！因为要佗住一个，又要照顾大仔（小王子），电池（体力）好快用晒、好攰！今次我又成日发恶梦，试过老公返工前锡我一啖，结果我一拳打落佢块面！因为我发恶梦梦到啲虫，佢又锡埋嚟，我就产生自然反应！其实初初佗嗰3个月好想食煎炸嘢，我都唔理，食咗先算，近来就开始食啲长胎唔长肉嘅餐单。（知BB性别未？）未，老公想要仔，可以陪佢玩，我就觉得生女可能要担心佢嘅危险，生仔感觉上冇咁蚀底！”

笃老公背脊

问到老公有否送礼物奖励她怀孕？翠翠说：“老公平时都冇送嘢，情人节要提前送，仲要系送咭，而且张张写嘅内容一样，只系日子唔同。追我嗰时有送太阳花、龙须糖，后来仲有送链，全部都唔等使嘅！（折现最好？）啲链好平㗎！（嫌老公冇情趣？）都唔系，前日我话想食粥，佢返工前特登去买畀我，嗰时我又唔知㖞，仲喺房同朋友讲电话、笃佢背脊话佢唔细心。佢话本来想拎啲粥入房畀我食，但后尾听到我笃佢背脊就只放喺厅算数，不过佢都冇嘢，收工返到屋企又冇事喇！”

叶翠翠佗B出席公开活动。

佢透露二胎预产期系6月。

有4个月身孕都照着高踭鞋！

咁都冇诈型，翠翠个老公对佢真系放心㖞！

佢亦表示自己同老公都希望今胎生囝囝。

---------------------------------

商务合作QQ：2063871309 

最新最快最全：关注订阅号tvbdrama，回复你想要的

（长按下图识别二维码即可轻松关注）