古巨基红馆演唱会昨晚第二场，现场消息指基仔乘时光机唱完第一首歌《爆了》后，时光机在其身后从升降台降落，形成一个大窿，基仔不为意的基仔叉错脚，向后行跌了落台中间个窿，并大叫一声，全场十分震惊，由于舞位台至台底约两米高，由此高度跌下情况可大可小。现场工作人员即刻冲入后台帮手，在台底的古太被吓得眼湿湿，并冲前了解老公伤势。约十分钟后基仔才上番台，全场即报以欢呼声！

连讲三次“我冇事”

基仔边摸后颈，边向大家报平安：“冇问题，系我错，系我唔知道唔记得咗时光机个位，冇问题！多谢你哋，愿意喺度等番我上来，我好想继续落去，我尽力继续落去，冇事......大家不用紧张，不用担心，冇事......上天会保佑我，冇事......我行到系咪？讲到边度？我由头嚟过啦﹗”此时观众欢呼声四起，令基仔非常感动，续讲：“最大努力演出，回报大家。暂时讲咁多先，唱《必杀技》！我系背脊落地，安全冇事。不过一阵如果换衫位耐啲，跳舞嗰啲！大家体谅吓﹗”然后唱出《必杀技》。
Mani赶往红馆

基仔经理人霍汶希（Mani）在基仔出事后，Mani透露说：“基仔头先喺升降台度跌咗落去，好彩应该系跌亲啫，可能条颈有啲跌倒，我哋依家全部人都过紧红馆睇佢，等佢唱完歌可能会去医院照一照，佢仲唱紧歌，伤势应该唔系好重。”Mani已第一时间飞车赶去红馆。约十时，Mani抵达红馆，见她边讲电话，似是心事重重，入了去红馆后再出番来上香。

完骚后，杜德伟与太太离场，被问到头先惊唔惊？他边走边答：“惊呀，不过个骚好睇好劲。” 

古巨基开骚期间误中舞台机关堕地受伤，完骚后基仔即刻去咗医院检查，然后佢就喺社交网讲解情况：“啱啱去咗医院检查，照咗磁力共振，我跌落地个位系颈背下边，所以就照咗颈背位，啲骨系冇事大家可以放心，医生讲系啲肌肉拉亲，所以有少少梗梗哋，但呢个绝对唔影响我嘅演出，大家放心唔使担心我，听日（今晚）照旧如常红馆见。”好彩只系拉伤颈部肌肉，基仔仲话唔会影响演出，买咗飞嘅粉丝们记得今晚去睇骚啦！