艺人李彩华（Rain）身穿白色网纱透视装配单边Bra现身记者会，她表示原定在11月生日时举行个唱，但因冇期故改在10月举行，现正努力为做运动练气：“我唔锺意做Gym，但依家都踏入健身房，我惊跑步会脚粗，所以就急步行，发现原来行一个钟头都OK，所以可以继续。（叫埋男友何远恒一齐做运动？）佢锺意做运动，所以有伴，其实佢一直都有叫我做运动，但我都冇理佢。”

问歌衫可会性感？Rain笑言会劲过海报上的造型，海报上的她只身穿单边Bra及短裤，她说：“咁条裤短啲都叫劲啲。（男友使唔使过目？）唔使，佢好信任我哋，团队唔会超级过分。”届时男友会来支持，问到可会上台？她卖关子：“睇你哋到时嘅力量，睇你哋扯唔扯到佢上去。”

嘉宾要保密
至于Rundown，Rain会唱个其他人的歌，问到可会唱旧爱林峯的歌？她反应颇大：“吓，应该唔会嘅……但可以度一度，我嘅Rundown随时变得。（到时会唔会有嘉宾？）有，但保密先。（会唔会系曾经合唱嘅苏永康？）唔知呀，但一定会有惊喜。”由于这是她首次个唱，Rain认为临近开骚才会紧张。问可有新歌？她笑言：“使咩新歌，依家啲新歌我都唔识唱，我成日喺内地拍剧，所以唔识唱，反而唱旧歌大家有共鸣。”

讲到她之前上无綫节目《流行经典50年》，但有网民指认不到她，Rain解释：“我就系咁嘅样，唔明点解大家会唔认得，但开心大家起码有睇我嘅表演，可能系个发型唔同，艺人形象多变，所以大家唔认得系正常，我自己都唔会对呢啲好上心，如果样样摆上心会好易有抑鬱症，如果唔系听太多呢啲嘢，我谂都可能死咗好多年。”