胡鸿钧自从《超级巨声2》获得亚军后就开始获无綫力捧，除左参与多首电视剧主题曲之外，近年开始拍埋电视剧。最近热播剧集《降魔的》入面饰演精灵「石敢当」，可能由于剧中佢眼神经常放空，所以有观众一系觉得佢好有精灵嘅感觉，亦有人觉得佢演技未够班。咁无綫究竟仲有边个可以做好呢个角色呢？
何广沛
算系近期当红嘅新晋小生，同样青靓白淨、唇红齿白嘅何广沛如果做呢个角色嘅话，应该同胡鸿钧一样会有韩星嘅感觉。而且储落唔少经验嘅佢亦已经有一班固定嘅少女粉丝，真系佢做嘅话收视可能仲高！
马贯东
近排喺无綫处境剧《爱．回家》系列成功上位嘅马贯东每晚都带俾观众好多欢乐，成功掳获一班观众同网民欢心。同样都系后生仔嘅马贯东年龄层方面就好适合呢个角色，不过讲样貌就略嫌太阳光，而且喺《爱．回家》嘅搞笑角色亦太深入民心，可能观众一见到呢旧神石都会想笑。
何浩文
做神石呢个角色除左要有精灵Feel此外，就系要身材好。就连胡鸿钧都要为呢个角色牺牲色相，又要全裸又要露股。讲到要露身材，搵何浩文就最适合不过，佢身材当然fit到漏，之前已经试过全裸上阵。佢喺《赌城群英会》中饰演潇洒哥后人气急升，不过拍过《喜爱夜蒲2》又做《鸭王》，蒲精形象深入民心，可能未必够「纯情」同「不吃人间烟火」到可以做「神石」。
张彦博
凭《一屋老友记》成功抢镜嘅张彦博，由于貌似台湾歌手小猪，兼且演技自然而成功入屋。去到而家形象仍然正面，非常适合做「神石」呢个角色。兼且虽然佢样貌完全睇唔出已经系三字头，不过亦可能因为咁，佢做「神石」角色可能会带点成熟感，令呢个300岁嘅角色更加活灵活现。
胡鸿钧做返
胡鸿钧可能的确唔够经验，不过胜在个样真系有啲似精灵，加上讲野阴声细气，都几岩呢个角色。兼且话佢「变脸」、同许廷铿系hehe嘅新闻不断，唔怕冇话题，可以一路keep住有人气。但系除左精灵之外，佢仲岩做啲咩角色呢？
张振朗
一出道就被认为系「翻版黄宗泽」嘅张振朗，2011年艺训班毕业就即刻被无綫招揽拍剧，而最令观众印象深刻嘅，一定系佢扮张智霖嘅「Cool魔」，入型入格，连把声都似。如果佢做神石，可能会令到观众非常迷茫，明明系精灵，点解会不断谂起「Cool魔」嘅呢？
-End-
文章均为原创，未经授权一律禁止转载
如未授权转载至公众号，必追究法律责任
公众号回复艺人名字可查看其他八卦
比如：刘德华 / 古天乐 / 快乐家族 / 英皇 / 何炅 / 谢娜 / Boy'z / 叶璇 / 钟丽缇 / 吴亦凡 / 方力申 / 邓丽欣 / TVB / 任达华 / 陈伟霆 / 刘诗诗 / 杨幂 / 钟嘉欣 / 陈冠希 / SNH48……陆续整理中
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
