锺嘉欣自从上年结婚及诞下女女Kelly后就开始淡岀幕前，婚后定居温哥华做全职妈妈嘅嘉欣甚少返香港，就算返香港都要带埋女女。其实大家对上一次睇佢演出已经系《巨轮II》入面嘅特别演岀，相信大家都好挂住佢㗎啦，不过有报道指佢同无綫嘅合约喺下年年初就会完结，而佢老公Jeremy就似乎企硬唔俾老婆续约再拍戏。

无綫好有诚意同嘉欣倾续约嘅事，报道话乐易玲喺半年前已经开始搵佢倾续约，不过嘉欣就忙住凑女唔系好得閒理，就算佢早前返香港都唔系好想倾。报道仲话Jeremy想嘉欣留喺温哥华做全职妈妈，唔想佢继续做娱乐圈，如果间唔中返香港几日出席活动就可以。

其实除左一早搵佢倾续约之外，无綫仲愿意迁就佢，剧集《再创世纪》仲特别去温哥华取景一个月，既然事业同家庭可以兼顾，嘉欣就拍左几日为剧集特别演出。

华裔小姐冠军岀身嘅锺嘉欣，有样有演技，过去曾经多次被提名最佳女主角，不过都同奖项无缘。但系观众嘅眼睛系雪亮嘅，锺嘉欣之前经常被网民大讚演技，好似喺《塘心风暴》同《点解阿sir系阿sir》嘅喊戏，更加系睇到观众心都噏埋。如果佢真系唔再拍剧，绝对系广大观众嘅一大损失！

-End-

文章均为原创，未经授权一律禁止转载

如未授权转载至公众号，必追究法律责任

公众号回复艺人名字可查看其他八卦

比如：刘德华 / 古天乐 / 快乐家族 / 英皇 / 何炅 / 谢娜 / Boy'z / 叶璇 / 钟丽缇 / 吴亦凡 / 方力申 / 邓丽欣 / TVB / 任达华 / 陈伟霆 / 刘诗诗 / 杨幂 / 钟嘉欣 / 陈冠希 / SNH48……陆续整理中