【冧掂未来姑奶】熊黛林获郭可盈送祝福
【on.cc东网专讯】 现年35岁嘅名模熊黛林（Lynn）寻日直认婚已订，男友郭可颂喺三个月求左婚，日前仲戴住隻求婚巨钻去公司春茗，闪到爆。
虽然之前就有传郭可颂家姐郭可盈唔锺意Lynn，不过依家终于都打破传闻喇！今日，郭可盈就喺微博上载女女林天若嘅六岁生日派对嘅相，当时Lynn孖住男友一齐出席，仲同郭可盈一家影「全家福」添，另外一张相见到天若冧爆锡锡Lynn，就快将升呢做郭太嘅Lynn，已经融入郭家，大人细路都讨好晒，郭可盈亦留言话：「衷心祝福祝福祝福弟弟及Lynn，互相都找对了人，直奔向幸福！」
成日话郭可盈唔锺意Lynn，今日终于打破传言噜～
熊黛林融入郭家，出席未婚夫外甥女嘅生日会。
郭可盈女女天若睇嚟都好锺意Lynn。
感谢您的支持鼓励，我会继续努力的!
点击下方按钮，即可进行打赏支持本文章
发表评论