【on.cc东网专讯】 无綫剧《一屋老友记》热播，个个都係好戏之人，除咗有无綫褔将欧阳震华，仲有加埋有百几岁嘅罗兰及胡枫，又有去年视后胡定欣，个个都係实力派演员！不过，讲到网民最Buy，原来係饰演坚强家姐宝欣嘅滕丽名（阿滕）！网民喺讨论区「洗版」式讨论，仲话要推到佢拎视后或者最受欢迎女角色喎，呢排阿滕Hit爆呀！
刚柔并存
喺剧中阿滕嘅性格有啲泼辣，又神经质，係就係有啲难相处，不过讲到尾佢个心都係為咗头家好，做好多事都出於好意！第七集，阿滕更加爆Seed同剧中老公徐荣為咗钱而吵大鑊，徐荣质疑阿滕係咪嫌佢穷，阿滕即时火都嚟，更扬言离家出走。成场戏火药味十足，隔住个Mon都感受到阿滕呢个女人仔受到嘅冤屈，网民力讚佢内心戏做得啱啱好！不过，呢集结尾阿滕就諗番起昔日同徐荣嘅甜蜜时光，成个人即刻冧晒；火爆又得、温柔又得，难怪网民激讚佢演活咗女性嘅刚柔并存！仲有人话佢比女主角胡定欣更加抢镜。
网民嗌唔抵
有网民开Post话戥阿滕唔抵，觉得佢早年曾做《陀枪师姐》女主角，係经典角色，但依家就主要做配角為主。网民仲讚佢愈嚟愈有女人味，最深刻係佢之前拍过嘅丰胸广告，简直索到爆！
网民有话儿：
AxxxGxn：觉得佢愈梨（嚟）愈靚 好有气质，其实二宝呢个角色几岩（啱）佢呀，扮上身戈（嗰）下都做得好搞笑，比胡定欣抢镜
午xxxx毛：係（喺）西贡撞过真人，但表情成日都好似怨妇咁
TxxTxxTxxxY：yes！一路都好中（钟）意佢！
wxxgjxxxxg：佢都不知几正，丰埋胸仲正D（啲）添！
gxxxlybxxk：冇咗陈三元清纯feel
好戏之人！
啲内心戏出晒嚟。
面左左。
块面黑到！
徐荣都好好戏。
网民讚佢演活女性嘅刚与柔！
网民仲话滕丽名啲戏抢过定欣（左）。
滕丽名有nice爆身材！
感谢您的支持鼓励，我会继续努力的!
文章地址：
用户邮箱：
打赏金额：USDT
点击”去打赏“，即可进行打赏支持本文章哦
