29岁「鸭王」何浩文（Dominic）11年同「糖妹」黄山怡分手后，15年底被爆料偕新欢蜜游台北撑枱脚，Dominic新女同糖妹好似，不过身形较高，被封「高版糖妹」，原来「高版糖妹」係空姐，叫唐紫琼（Candy）。佢哋拍拖后，Dominic成日喺社交网放闪。

今年3月有报道Dominic同空姐Candy分手，佢哋社交网都取消埋互相关注。

日前有爆料指Dominic同空姐Candy分手前几个月，佢哋仲同埋曾去ViuTV选美节目《美选D.n.A》面试嘅0靚模方敏婷（Natalie）一齐玩，仲话两女都係好友，但Dominic同空姐Candy分开，即被揭搭上Natalie。有指Natalie同Dominic都係王晶旗下，可谓近水楼台。估唔到佢哋挞着后，又伴去泰国预支蜜月，爱得高调。

有爆料指Natalie係第三者，Dominic回复媒体时话：「又有人报料，我同Candy分咗好耐喇，2月分咗啦，冇咩特别啦，纯粹互相了解过后分手，所有嘢都自自然然，随住人生流动啦！冇第三者啦，好多时一分手啲花生友就希望做个第三者出嚟食花生，甚至有啲人会希望有个第三者出现令分手嘅原因，唔係出于自身问题。」

Dominic冇否认唔係同Natalie，佢话：「冇话追呀，剩呀，年头拍完剧，返到香港，工作见多咗面，慢慢越来越熟，有时人会喺有啲时候遇到个相处得好舒服嘅人嘅，同Natalie都觉得好舒服。」但始终Dominic避谈几时开始同Natalie一齐。Dominic话自己每次拍拖，都视拍拖对象係结婚大前提：「如果我结婚唔想离呀，我结得婚就应该真係一世㗎喇，家庭好重要㗎！我好少唔係希望可以结婚為前题嘅，又如果我80岁命，都过晒人生三分一，都想有个人适合，稳稳定定陪埋我之后嘅人生。」

Dominic好似好有计划，咁打算几时结婚？佢大讲烂gag：「买到楼就结！买唔到楼都结！不过结扎。」佢始终觉得买到楼会稳定啲，佢话：「有咩都有啲嘢揸手。」佢仲话会加油同努力。

欢迎分享至朋友圈