袁伟豪薛世恒谈旧爱　爆瘀事提杏贤法拉

艺人袁伟豪与薛世恒齐齐亮相big big channel，这对「撞样孖宝」分享对爱情、友情等的看法，直播期间，主持人发现袁伟豪旧爱岑杏贤亦有进入聊天室，袁伟豪向旧爱打招呼，并爆她一件瘀事，他说：「Hi！咁得闲嘅？你入嚟就要讲个秘密畀大家知，你唔介意呵？走咗未先？仲喺度呀？呢个故事好好笑，发生喺几年前，嗰时我同薛世恒、岑杏贤都系初认识，岑杏贤唔知薛世恒系边个，有次佢就对住薛世恒话：『你好熟口面，好似陈法拉老公！』，讲完呢句说话，同场其他人一个拧转面、一个扮打机，薛世恒就话：『我入厨房洗碗。』」

岑杏贤有眼不识薛生，难怪袁伟豪都觉得好笑，薛世恒忆述这宗关于前妻陈法拉的旧事，他说：「都唔使解围，我当时感受唔到尴尬，只系觉得现场好似结咗冰咁嘅气氛！」

袁伟豪对于有网友赞她与岑杏贤再见亦是朋友，非常大方，他对聊天室中的岑杏贤说：「离开未呀？咁得闲嘅！其实岑杏贤都好大方，毕竟大家陪住对方行咗一段时间，都想大家开心，多谢网民赞我大方，我都赞岑杏贤大方。」

袁伟豪又被主持试探，要他在开live期间，自己开现任女友张宝儿名，他说：「开名都冇所谓，但佢开紧工，你讲紧张小姐？」藉此轻轻带过。

而薛世恒对于有网民建议他与袁伟豪组男版孖仔组合，他说：「我唱歌呃到人！我都唔介意被指『翻版袁伟豪』。」袁伟豪则藉机赞自己，他说：「我都唔介意，咁靓仔！」

侧田三喜临门　冇期加场叫千嬅「让路」

歌手侧田为12月8日及9日的香港站巡唱举行记招，并宣布将加盟银河世界娱乐，而11月更会推出新碟，三喜临门！

受访时，自由身2年的侧田表示很感恩新公司给予他很大自由度，因他是非常有主见的人：

「我依家成长咗，知道自己只系团队嘅一部分，做一个骚真系好多嘢要搞，今次呢个骚令我明白呢样嘢。」

而之前已于广州开始巡唱的他透露这次香港站演出有意加入新环节：「我本身个骚有3 part嘅，第1 part讲入行，第2 part讲迷失，第3 part讲新开始，依家谂紧香港站会唔会加多part讲未来。」又指自己最喜欢讲迷失的部分：「好dark，观众可能唔锺意，因为好down，但我超锺意，好有feel。（会忍唔住喊？）一定喊，我次次做骚唱某几首歌都一定喊，但其实唔应该喊，会影响到，我都会有劲歌热舞，喊完好难入番个mood。」

他又谓在台上会与观众分享很多往事，觉得观众亦是他个唱的一部分：「佢哋嘅掌声同支持会令我唱得好啲！」

提到两场个唱门票的优先订飞已爆满，明日就公开发售，他坦言对销量向来没有太大期望：「期望愈高，受伤愈重，所以我唔会set个expectation太高。（加场？）希望开part 2啦，加场一定冇，因为冇期，一系叫千嬅（杨千嬅）让几日畀我，佢喺我之后开，但讲笑啫。」

透视诱惑！祖儿为妈咪上无线节目

乐坛天后容祖儿在将军澳电视城为节目《流行经典50年》担任录像嘉宾，本月29日是祖儿入行十八周年，大会为她准备神秘惊喜，合照时由小师妹许靖韵推出蛋糕为祖儿预祝，祖儿喜出望外，她笑说：「我一出世就入行㗎喇！」

祖儿为节目悉心打扮以透视装晒小蛮腰示人，还带了一班舞蹈员又唱又跳表演她的经典快歌《全身暑假》、《隆重登场》等，祖儿受访笑说：「今次上节目系为咗我阿妈，因为我阿妈好锺意睇呢个节目，佢成日问我几时会上节目，咁我就同公司提议吓，不过佢今晚就冇嚟，佢留番迟啲喺电视度睇。」

祖儿除了唱出一系列自己的经典歌，还拣了两首在十五、六岁时参加歌唱比赛唱过的歌，十五岁时唱的《一首独唱的歌》为她赢得歌手合约，而《你没有好结果》则赢得冠军及金嗓子奖项，两首歌很有纪念价值。

问到祖儿入行十八年有甚么庆祝？她表示早前开的演唱会已经觉很满足，希望有时间可以到希腊旅行，因觉得当地的白色小屋好靓。问到是否与师兄刘浩龙去浪漫一番，她则笑说：「得㗎啦！」

年内四度入院！伍淑怡撼爆头Call白车

有自杀前科的嫩模伍淑怡（YoYo）成为医院常客，今日再由救护车送入院，今年已是第四次入院，她在社交网站上载血流浴室的照片及写道：「今年流年不利，撞爆咗个头，又要入院。」

她接受记者访问时，就迷迷糊糊、断断续续地交待事件因由及现时情况：「我啱啱喺屋企露台度坐，因为屋企同露台之间有个窗，我起身嗰吓就一嘢撼咗落去尖角位，所以就整爆咗个头搞到流血，之后即刻Call白车入院。」她指现在已经止血及打了破伤风针，但因为好头晕好头痛，所以要照X光睇清楚。

提到她非常黑仔，今年已经第四次「入厂」，她即谓：「今年第一次入院系年头嗰单（跳海自杀），第二次入院系去三亚时个肚好痛，喺飞机痛得好紧要，落机时有救护人员送我入医院。第三次就系最近喺屋企休克，个玻璃碗跌烂咗咁啱插落只手度，断咗条神经线，跟住……跟住……跟住到呢次。」

卓林四度离家辍学　孖同居密友搬私窦

单亲妈妈吴绮莉（Elaine）和囡囡吴卓林今年年初因交友问题发生争执，其后卓林入院留医两个多月，期间Elaine在记招中压力爆煲声泪俱下求女儿回家，最后Elaine守得云开，卓林重投母亲怀抱之余，更称从来没有嬲过她，两人和好如初，事件亦告一段落。

不过，母女关系最近却再度出现变化，据知卓林停学期间，Elaine依然每个月付17,000元为囡囡在国际学校留位，可惜卓林早已厌倦学校生活，有见及此，Elaine安排她在家学习配合其需要，但卓林始终无心向学，最后更辍学离家出走！

一直与外籍同性「网红」好友A小姐过从甚密的卓林，离家出走后，更正式搬入对方的湾仔旧楼中同居。她们间中会走出温馨「蜗居」到区内吃喝玩乐，有时更会约三五知己走上天台「Chill一Chill」，在闹市中的「小天地」食烟吹水饮啤酒。记者就发现有次两位女友人在天台边缘危坐，睇落相当牙烟，事后她们亦遗下烟头、玻璃樽等垃圾。

记者致电Elaine跟进她与女儿的关系，问囡囡是否离家出走？她语带无奈说：「其实佢冇喺屋企住一段时间，我同佢一直有保持联络。佢11月就18岁，都好大个，唔可以吓吓都管住晒。提到卓林辍学，Elaine却有另类想法：「学习唔一定系要返学嘅，佢有同我讲佢依家教小朋友普通话，咁呢种都系一种生活体验嚟，主动去工作系好事嚟，总好过温室生活。」

面对囡囡决心离家，Elaine作为母亲只能无奈接受，又强调屋企大门永远为女儿而开：「锺意几时返就几时返，阿妈我永远都会欢迎。我哋都有联络嘅，又生活喺同一天空下，个心系连住嘅，唯有当佢去咗生活体验。」

珍惜生命，热爱生活！

☞转载授权微信：lama129

☞ 商务QQ：443317765